भरत बुटाले -कोल्हापूर : इचलकरंजीत गुरुवारी सकाळी मर्कटलीला पाहायला मिळाली. नेहमी वर्दळ असलेल्या कोल्हापूर रोडवरील एएससी कॉलेजवळ घडलेला हा प्रकार.घडलं असं, गुरुवारी सकाळी पावणेनऊ वाजता एएससी कॉलेजजवळच्या दुकानात काही वस्तू खरेदी करण्यासाठी एकजण दारात मोटारसायकल लावून गेला. त्याने मोटरसायकलला चावी तशीच ठेवली होती. तितक्यात एक माकड आलं आणि चावी काढून घेऊन छपरावर जाऊन बसलं. हे ज्यांनी पाहिलं ते आश्चर्यचकित झाले आणि तुमच्या गाडीची चावी घेऊन माकड गेलं, असं एकदम ओरडले. हे ऐकताच त्या गाडीमालकाने डोक्याला हात लावला. मग माकडाने चावी खाली टाकावी म्हणून सुरू झाले प्रयत्न. शेजारी बसलेल्या प्रत्यक्षदर्शी भाजी विक्रेत्याकडून काकडी घेऊन माकडाकडे फेकली.नंतर गाजर टाकलं तरीही त्यांनं चावी खाली टाकली नाही. खाली गर्दी असूनसुद्धा ते निम्म्यावर येऊन फळीवर बसलं. दहा मिनिटांनंतर ते गाडीजवळ चावी टाकून रस्त्याच्या पलीकडे रिक्षावर जाऊन बसलं. हटकूनसुद्धा तिथेच बसलं. मग रिक्षा चालकाने त्याला दुकानातला खाऊ दिला. दाबात बसून तो खाल्ला पण ते हलायला काही तयार होईना. शेवटी कस्टमर आल्यामुळे रिक्षा चालू केली, त्यावेळी ते उडी मारून झाडावर जाऊन बसलं. तेथे जमलेली गर्दी ही गंमत पहात थांबली होती.
Web Summary : In Ichalkaranji, a monkey stole a motorcycle key from a parked vehicle near ASC College. Attempts to retrieve the key with food failed initially. Eventually, the monkey dropped the key and later perched on a rickshaw before finally leaving.
Web Summary : इचलकरंजी में, एक बंदर ने एएससी कॉलेज के पास खड़ी मोटरसाइकिल से चाबी चुरा ली। भोजन से चाबी वापस पाने के प्रयास शुरू में विफल रहे। अंततः, बंदर ने चाबी गिरा दी और बाद में एक रिक्शा पर बैठ गया, फिर अंत में चला गया।