कोल्हापूर : लाईन बझारतील महासैनिक प्रशिक्षण केंद्रातील हॉलमध्ये क्रिडाई कोल्हापूरतर्फे ६० ऑक्सिजन बेड तयार करून दिले जाणार आहेत. यासंदर्भात गुरुवारी प्रशासक डॉ. कादंबरी बलकवडे आणि क्रिडाई कोल्हापूरचे अध्यक्ष विद्यानंद बेडेकर यांनी महासैनिक ट्रेनिंग सेंटर येथे प्रत्यक्ष जाऊन पाहणी केली.
कोरोना उपचार केंद्रात येथे काम करणाऱ्या कर्मचाऱ्यांसाठी विशेष हॉल तयार करण्यात येणार आहे. या ऑक्सिजन बेडची रचना व नियोजन तयार करून देण्याच्या सूचना प्रशासक डॉ. कादंबरी बलकवडे यांनी अतिरिक्त आयुक्त नितीन देसाई व क्रिडाई कोल्हापूरचे अध्यक्ष विद्यानंद बेडेकर यांना दिल्या. मागील वर्षीही क्रिडाई कोल्हापूर व रोटरी क्लबने महासैनिक दरबार हॉल येथे कोविड केअर सेंटर उभे केले होते. यावर्षीही प्रशासकांच्या आवाहनास प्रतिसाद देऊन क्रिडाई कोल्हापूर ६० ऑक्सिजन बेडचे केंद्र तयार करून दिले जाणार आहे.
यावेळी जिल्हा सैनिक अधिकारी प्रदीप डोली, आरोग्याधिकारी डॉ. अशोक पोळ, वैद्यकीय अधिकारी डॉ. अमोलकुमार माने आदी उपस्थित होते.
फोटो २२०४२०२१कोल -महासैनिक दरबार हॉल
फोटो ओळी कोल्हापुरातील लाईन बाजार येथील महासैनिक दरबार हॉलमध्ये ६० ऑक्सिजनयुक्त बेडची सोय करण्यासंदर्भात गुरुवारी क्रिडाईचे अध्यक्ष विद्यानंद बेडेकर व महापालिका प्रशासक डॉ. कादंबरी बलकवडे, अतिरिक्त आयुक्त नितीन देसाई यांनी पाहणी केली.