कोल्हापूर : सहसा जन्माचा, लग्नाचा वाढदिवस केला जातो. कोल्हापुरात शुक्रवारी चक्क खड्ड्यांचा वाढदिवस करण्यात आला. गंगावेश चौकातील खड्डयांभोवती आकर्षक अशी रांगोळी काढून केक कापून हा वाढदिवस करण्यात आला. कोल्हापुरातील जिल्हा वाहनधारक महासंघाने महापालिकेच्या विरोधात हे अभिनव आंदोलन केले. ‘हॅप्पी बर्थडे टू खड्डे’ अशा घोषणाही देण्यात आल्या.महापूर आणि परतीच्या पावसाने शहराला झोडपल्यामुळे अगोदरच खराब असणारे रस्ते आणखीन खराब झाले आहेत. महापालिकेने खराब रस्ते नव्याने करण्याची मागणी जिल्हा वाहनधारक महासंघाने केली आहे. प्रशासनासोबत त्यांची बैठकही झाली. यावेळी आयुक्त डॉ. मल्लिनाथ कलशेट्टी यांनी १५ दिवसांत रस्ते करण्याची ग्वाही दिली. अद्यापही शहरातील सर्वच रस्ते पूर्ण झालेले नाहीत. त्यामुळे महासंघाने पुन्हा जोमाने आंदोलन सुरु केले आहे.
गुरुवारी गंगावेश येथील खड्ड्यांचा वाढदिवस केला. खड्ड्या भोवती रांगोळी घालून केक कापन्यात आला. यावेळी चंद्रकांत भोसले, अभिषेक देवणे, राजेंद्र जाधव, विजय गायकवाड, अशोक जाधव, प्रकाश पोवार, किशोर कांबळे, दिलीप सूर्यवंशी, दिनमहंमद शेख, उदय गायकवाड, संजय काकडे, अतुल माळकर, भास्कर भोसले, सचिन निकम, नजीर मणेर उपस्थित होते.