ठळक मुद्देचार खेळाडूंची महाराष्ट्र स्पर्धेसाठी निवड
कोल्हापूर : गोंदिया येथे क्रीडा व युवक सेवा संचालनालयामार्फत घेण्यात आलेल्या शालेय राज्यस्तरीय रग्बी स्पर्धेत प्रिन्स शिवाजी मराठा बोर्डिंग हाऊस संचलित गर्ल्स हायस्कूलच्या १७ वर्षांखालील मुलींच्या संघाने तृतीय क्रमांक पटकाविला.
संघातील चार खेळाडूंची महाराष्ट्र स्पर्धेसाठी निवड झाली. संघामध्ये वैष्णवी पाटील, सानिका पाटील, स्वाती माळी, स्नेहा कांबळे, स्नेहल पाटील, प्राची पारखे, नेहा पाटील, सृष्टी कळंत्रे, शुभांगी चौगुले, पायल कांबळे, आर्या कानकेकर, श्रुतिका खोंद्रे यांचा समावेश होता.विजेत्या संघाला संस्थेचे चेअरमन आर. डी. पाटील (वडगावकर), मुख्याध्यापिका व्ही. के. पाटील, एस. बी. शिंदे यांचे प्रोत्साहन, तर क्रीडाशिक्षिका उज्ज्वला देसाई, दीपक पाटील यांचे मार्गदर्शन लाभले.