पालकमंत्री सतेज पाटील यांच्या वाढदिवसानिमित्त उत्तूर (ता. आजरा) येथे मुकुंदराव आपटे फाउण्डेशनतर्फे सतेज कृषी औजार बँक स्थापन केली आहे, अशी माहिती जि. प. सदस्य उमेश आपटे यांनी दिली.
आपटे म्हणाले, आपटे फाउण्डेशनतर्फे यापूर्वी वाढदिवसानिमित्त वह्या, कंपास, छत्र्या, सॅक, टिफिन बॉक्स व शालोपयोगी साहित्य वाटप केले आहे.
गतवर्षी कोरोनामुळे उत्तूर जि. प. मतदारसंघातील नागरिकांना ७० हजार मास्कचे वाटप केले आहे. कोरोनामध्ये अनेक उद्योग व्यवसाय अडचणीत आले. मात्र, शेतीने नागरिकांना मोठी साथ दिली. या काळात शेतीची चांगली देखभाल झाल्याने पीक उत्पादन चांगले मिळाले.
शेती करताना आलेल्या अडचणींची माहिती घेतली. उत्तूरमध्ये १० ते २० गुंठे क्षेत्र असलेले २१२ शेतकरी आहेत. २० गुंठ्यांपेक्षा कमी क्षेत्र असलेले शेतकरी शेती औजारे विकत घेऊ शकत नाहीत. त्यामुळे या शेतकऱ्यांसाठी माफक दरात औजारे वापरासाठी देण्यात येणार आहे.
या सामान्य शेतकऱ्यांसाठी सतेज कृषी औजारे बँक स्थापन करण्याचा निर्णय झाला. यासाठी ट्रॅक्टर ट्रॉली (१), पलटी (१), बांडगे (१), रोटर (१), डिझेल इंजिन (१), खोरे, टिकाव, बुट्टी, पार (प्रत्येकी ५० संच), औषध पंप (१०), भात कापणी खुरपी (१०००), भात वारे पंखे याशिवाय जाड दोरखंड हे साहित्य खरेदी करण्यात आले आहे.
बैठकीस सरपंच वैशाली आपटे, उपसरपंच सचिन उत्तूरकर, सुधीर जाधव, संजय उत्तूरकर, सचिन परीट, ज्योतिबा पोवार, संभाजी कुराडे, बाजीराव कुंभार, दत्ता चव्हाण, किरण आमणगी, राजू खोराटे, सतीश खरंदाळे, अशोक पाटील, सचिन परीट, झुलपेवाडीचे सरपंच नामदेव जाधव, आर्दाळचे सरपंच विद्याधर गुरव, उपसरपंच अमोल बांबरे, नारायण देसाई, विजय गुरव, सुनील सावंत, अनिल जांभळे, सागर सरोळकर, राजू पाटील, बाबासाहेब पाटील, ज्ञानदेव परीट, शिवाजी पाटील, चंद्रकांत पाटील, मारुती हरेकर, दिग्विजय पाटील, चंद्रकांत खोत, महेश करंबळी आदी उपस्थित होते.