कोल्हापूर: कडक लॉकडाऊन शिथिल झाल्यापासून वाढत चाललेल्या रुग्णसंख्येला व मृत्यूसंख्येला रविवारी तब्बल आठ दिवसांनी काहींसा ब्रेक लागला. नवे १७५९ नवे बाधित आढळले, तर मृत्यूसंख्याही ३७ पर्यंत खाली आली. अजूनही शहरातील रुग्णसंख्या सर्वाधिक ४७७ इतकी आहे. दरम्यान, रविवारी कोरोना चाचणीचे नवीन मशिन दाखल झाल्याने आजपासून चाचणीची संख्या वाढणार आहे.
गेले आठवडाभर सातत्याने रुग्णसंख्या वाढत असल्याने कोल्हापूरकरांच्या पोटात भीतीचा गोळा आला होता. अडीच हजारांवर रुग्णसंख्या गेली, तर मृत्यूनीही रोजची अर्धशतकाची संख्या कायम राखली होती. कोरोना चाचण्यांचे प्रमाण वाढवल्याने हा आकडा वाढल्याचे प्रशासनाकडून सांगण्यात येत होते. रविवारी मात्र या सर्व वाढीला थोडासा ब्रेक लागला. दोन हजारांवर असणारी रुग्णसंख्या एकदम दोनशे ते तीनशेने खाली आली. नव्याने आढळलेल्या रुग्णात इतर जिल्ह्यातील १११, तर जिल्ह्यातील १६४८ जणांचा समावेश आहे. जिल्ह्यात रविवारी १५५९ कोरोनामुक्त होऊन घरी परतले.
चौकट
शहरात अजूनही वाढच
कोल्हापूर शहरातील कोरोनाबाधित रुग्णांची संख्या अजूनही ४७७ इतकी सर्वाधिक आहे. त्याखालोखाल करवीरची ३३६, तर हातकणंगलेची २०३ इतकी आहे.
चौकट
करवीरमध्ये सर्वाधिक मृत्यू
मृत्यूमध्ये झालेल्या ३७ पैकी ७ हे इतर जिल्ह्यांतील आहेत. तेही एकटे बेळगाव जिल्ह्यातील आहेत, हे विशेष. जिल्ह्यातील मृत्यू ३० आहेत, त्यातही सर्वाधिक ९ करवीर, तर हातकणंगले तालुक्यातील ७ जण आहेत.
जिल्ह्यातील आजचे मृत्यू:
पन्हाळा: बोरिवडे, माले
करवीर: ०९ पाचगाव,कणेरी, दऱ्याचे वडगाव,वाशी, कांडगाव, पाचगाव, मणेरमळा उचगाव, शिंगणापूर,
कोल्हापूर शहर: ०४ शुगर मिल कसबा बावडा, ताराबाई पार्क, महाडीक कॉलनी, राजोपाध्येनगर,
इचलकरंजी: ०३ शास्त्री सोसायटी, शेळके मळा, जवाहरनगर,
हातकणंगणे: ०७ अंबप, कबनूर, यळगुड, माणगाव, कुंभोज, भादोले, नागाव,
कागल:०४ सणगर गल्ली, बाचणी, हासूरखुर्द, मुरगुड,
भूदरगड: ०१ वेसर्डे गारगोटी,
आजरा: ०१ उत्तूर,
इतर जिल्हा: खानापूर बेळगाव, चिक्कोडी, सदलगा, ममदापूर, नेज