कोल्हापूर : कोल्हापुरातील टेंबलाईवाडी परिसरात आज. सकाळच्या सुमारास बर्निंग कारचा थरार घडला. टेंबलाईवाडी शाळेजवळ या चालत्या कारने अचानक पेट घेतला. सुदैवाने यात कोणतीही जिवीतहानी झाली नाही. प्रसंगावधान दाखवत चालकांने पेट घेतलेली ही कार रस्त्या बाजूला पार्क करुन आपली सुटका करून घेतली.याबाबत मिळालेली माहिती अशी की, पेट घेतलेली ही कार उचगाव मार्गाच्या दिशेने जात होती. दरम्यान टेंबलाईवाडी शाळेजवळ कारने अचानक पेट घेतला. यावेळी तेथील परिसरातील नागरिकांनी ओरडाओरडा केला. चालकाने प्रसंगावधान दाखवत कार रस्त्याच्या एका बाजूला नेली व कारमधून स्वत: सुखरुप बाहेर पडले.
याघटनेची माहिती मिळताच अग्निशामक दलाचे जवान घटनास्थळी पोहचले. जवानांनी वेळीच ही आग आटोक्यात आणली. मात्र या आगीत कारचे मोठे नुकसान झाले. पण आगीचे नेमके कारण समजू शकले नाही...अन् कोणतीही मोठी दुर्घटना घडली नाहीटेंबलाईवाडी शाळेजवळ ही घटना घडली. या परिसरात विद्यार्थी मोठ्या संख्येने बाहेर ये-जा करत असतात. वेळ चांगली म्हणून यावेळी कोणतीही मोठी दुर्घटना घडली नाही.