कोल्हापूर : कोल्हापूर शहरातील विविध भागात दीपावली पाडव्यानिमित्त सजवलेल्या म्हशींचा रोड शोचे आयोजन केले जाते. यंदाही रोड शो साजरा झाला, पण त्याला महापालिका निवडणुकीची झालर होती. यामध्ये कमालीची ईर्ष्या पहावयास मिळाली, चक्क म्हशींच्या पाठीवर नेत्यांसह इच्छुकांचे समर्थक म्हणून लिहिले होते. यामाहा गाडीवरून म्हैस पळवण्याचा थरार अनुभवला.बळीराजाला आणि गवळी समाजबांधव तसेच म्हैसधारकांना साथ देणाऱ्या म्हैशी प्रती कृतज्ञता व्यक्त करण्यासाठी तसेच जनावर म्हणजे फक्त उपयोगी प्राणी नाही, त्या सामाजिक जीवनाचा भाग आहेत, म्हणून त्यांना साज-शृंगार दिला जातो. दरवर्षी दीपावली पाडव्यानिमित्त म्हशींना सुशोभित करून सजवलेल्या म्हशींचा रोड-शो आयोजित करण्यात येतो. आमदार सतेज पाटील प्रेमी मित्रमंडळ, सागरमाळ येथे रेड्यांचा आणि म्हशींच्या रिंगण सोहळा आयोजित करण्यात आला होता.यावेळी सर्जेराव साळोखे, काकासाहेब पाटील, संदीप पाटील, उमेश पवार, सुरेश ढोणुक्षे, स्वप्नील रजपूत, समीर कुलकर्णी, माजी नगरसेवक भुपाल शेटे, विजय सूर्यवंशी, अमित कदम, अनिरुद्ध भुर्के, शशिकांत पवार, मयूर पाटील यांच्यासह रेड्यांची टक्कर आणि सागरमाळ परिसरातील शर्यत शौकीन उपस्थित होते.यामाहाचा ठोका अन् म्हशींची घालमेलशर्यतीच्या म्हशींच्या कानात यामाहाच्या सायलरसन्सचा आवाज बसलेला असतो. गाडीचा आवाज ऐकून गाडीसोबत वाऱ्याच्या वेगाने त्या पळतात. या राेड शो मध्येही यामाहाचा ठोका ऐकल्यानंतर म्हशींची घालमेल पहावयास मिळत होती.
Web Summary : Kolhapur celebrated Diwali with a unique buffalo road show, showcasing decorated animals. The event, tinged with local election fervor, featured buffaloes adorned with political messages. Participants experienced the thrill of racing alongside the animals. The event honored farmers and the vital role of buffaloes in society.
Web Summary : कोल्हापुर ने सजी हुई भैंसों के रोड शो के साथ दिवाली मनाई। स्थानीय चुनाव के रंग में डूबे इस आयोजन में भैंसों को राजनीतिक संदेशों से सजाया गया। प्रतिभागियों ने जानवरों के साथ दौड़ने का रोमांच अनुभव किया। इस कार्यक्रम में किसानों और समाज में भैंसों की महत्वपूर्ण भूमिका को सम्मानित किया गया।