शरीरसौष्ठवपटू योगीराज शिंगे करणार सेनादलाचे प्रतिनिधित्व

‘ज्युनिअर भारत श्री’ व अनेक राष्ट्रीय शरीरसौष्ठव स्पर्धेत चमकदार कामगिरी केली आहे. या कामगिरीची दखल घेत

कोल्हापूर : कोल्हापूरचा वेटलिफ्टर व ‘ज्युनिअर भारत श्री’ योगीराज शिंगे याची पुणे येथील सैन्यदलाच्या बॉम्बे इंजिनिअरिंग गु्रपमध्ये ‘वर्ग दोन’च्या हवालदारपदी त्याने केलेल्या आंतरराष्ट्रीय स्पर्धेतील कामगिरीवर थेट निवड झाली. आता तो देशांतर्गत व देशाबाहेरील शरीरसौष्ठव स्पर्धेत सैन्यदलाचे नेतृत्व करणार आहे. शिंगे हा मूळचा वाडी रत्नागिरी अर्थात जोतिबा डोंगर येथील रहिवासी असून, तो बिभीषण पाटील व्यायामशाळेचा खेळाडू आहे. त्याने यापूर्वी ‘ज्युनिअर भारत श्री’ व अनेक राष्ट्रीय शरीरसौष्ठव स्पर्धेत चमकदार कामगिरी केली आहे. या कामगिरीची दखल घेत सैन्यदलाच्या पुणे येथील बॉम्बे इंजिनिअरिंग गु्रपमध्ये प्रशिक्षणार्थी म्हणून त्याला थेट भरती करून घेण्यात आले आहे. यापूर्वी पाटील व्यायामशाळेचे खेळाडू आंतरराष्ट्रीय शरीरसौष्ठवपटू सुहास खामकर याची नायब तहसीलदारपदी, तर सुनील लिमये, टी. पी. पाटील यांची वन अधिकारीपदी, वर्षा पत्की यांची आयकर अधिकारी आणि राहुल साळोखे यांची रेल्वेत अधिकारी, तर सुषमा पाटील (भुयेकर) यांची वित्त अधिकारीपदी निवड झाली आहे. योगीराज यास शिवछत्रपती पुरस्कार विजेते बिभीषण पाटील, आंतरराष्ट्रीय खेळाडू विजय मोरे, दुर्गाप्रसाद दासरी, राष्ट्रीय पंच प्रशांत पाटील यांचे प्रोत्साहन लाभले.