मुरलीधर भवार, कल्याण- इंस्टाग्रामवरील आक्षेपार्ह पोस्टला कमेंट केल्या प्रकरणी कल्याणमध्ये एका अल्पवयीन तरुणाला अर्धनग्न करीत मारहाण केल्याची गटना काल घडली आहे. या प्रकरणी खडकपाडा पोलिसांनी पाच जणांना अटक करण्यात आली आहे. या प्रकरणी खडकपाडा पोलिस ठाण्यात गुन्हा दाखल करण्यात आला आहे.
दोन समाज गटाच्या देवस्थानाविषयी इंस्टाग्रावर वाद सुरु होता. हा वाद सुरु असताना कल्याणमधील एका अल्पवयीन तरुणाने त्यावर कमेंट केली आहे. हा तरुण डिलवरी बॉयचे काम करतो. त्याने कमेंट केल्याने संतप्त झालेल्या एका गटाने त्याचा शोध घेतला. त्याला मारहाण केली. त्याला अर्धनग्न करुन जमीनीवर नाक घासण्यास लावून माफी मागण्यास भाग पाडले. या घटनेचा व्हीडीआे सोशल मिडियावर व्हायरल झाला आहे. या प्रकरणी अल्पवयीन तरुणाने केलेल्या तक्रारीनंतर पोलिसांनी या घटनेची गभीर दखल घेतली आहे. या प्रकरणी मारहाण करणाऱ्यांच्या विरोधात गुन्हा दाखल केला आहे. या घटनेमुळे एकच खळबळ उडाली आहे. या प्रकरणी खडकपाडा पोलिसांनी पाच जणांना ताब्यात घेतले आहे.
दरम्यान सहाय्यक पोलिस आयुक्त उमेश माने पाटील यांनी आवाहन केले आहे की, अफवांवर विश्वास ठेवू नका. आक्षेपार्ह पोस्ट करु नका. आक्षेपार्ह पोस्ट आढळून आल्यास कायदा हाती घेऊ नका. संबंधित जवळच्या पोलिसांना माहिती द्या. पोलिस कारवाई करतील.