कल्याण-कल्याण डोंबिवली महापालिका निवडणूकीच्या तोंडावर भाजपला गळती लागली असताना मनसेत इनकमिंग सुरु झाले आहे. रविवारी डोंबिवलीत पार पडलेल्या मनसे मेळाव्यात काही जणांनी मनसेत प्रवेश केला आहे. भ्रमात राहू नका. अफवा पसरविल्या जातात. हा तो सोडून चालला. मात्र जो कोणी पक्ष सोडून जाईल. त्याला बघून घेणार असल्याचा सज्जड दमच मनसे आमदार राजू पाटील यांनी पक्षाच्या पदाधिकारी कार्यकर्त्यांना भरला आहे.
डोंबिवली सव्रेक्ष हॉलमध्ये मनसे कार्यकर्त्यांचा मेळावा आयोजित करण्यात आला होता. या मेळाव्यास मनसेचे पदाधिकारी प्रकाश भोईर, मनोज घरत, मंदा पाटील, राहूल कामत, हर्षद पाटील आदी मान्यवर उपस्थित होते. मनसेत अनेक कार्यकर्ते येण्यास इच्छुक असताना राज ठाकरे यांच्या आदेशानुसार कोरोना काळात कोणताही कार्यक्रम घेतला नाही. त्यामुळे या कार्यकर्त्यांचा पक्ष प्रवेश दोन वर्षे लांबला होता. आजच्या जाहीर मेळव्यात हा प्रवेश झाला. ही तर केवळ एक झाकी आहे. निवडणूक अजून बाकी असल्याचा सूचक इशारा आमदार पाटील यांनी यावेळी दिला.
तसेच २००९ साली महापालिकेत मनसेचे २८ नगरसेवक निवडून आले. २०१४ साली मोदी लाटेचा फटका बसल्याने ९ नगरसेवक निवडून आले. आत्ता पुन्हा मनसेचे नगरसेवक मोठया संख्यने निवडून येणार असल्याचा विश्वास आमदार पाटील यांनी व्यक्त केला आहे. तर मनसे सोडून गेलेले राजेश कदम यांचा नामोल्लेख न करता एक भोंगा वाजतो अशी टिका केली. असे कितीही भोंगे वाजले तरी त्याचा आम्हाला फरक पडणार नाही. पाकिटे घेऊन दुसऱ्या पक्षात हा भोंगा गेला. जे पक्षाला सोडून गेले असल्याचा आरोप त्यांनी केला. जो कोणी पक्ष सोडून जाईल त्यांना बघून घेणार असल्याचा दमच पाटील यांनी भरला आहे.