डोंबिवली - मनसेचे कल्याण जिल्हाध्यक्ष, माजी नगरसेवक प्रकाश भोईर आणि सरोज भोईर यांनी पदाचा आणि पक्ष सदस्यत्त्वाचा शुक्रवारी राजीनामा दिला. समाजकारण आणि राजकारणातील प्रवास हा त्यांचे गुरू, सहकारी कार्यकर्ते, नागरिक, हितचिंतक यांच्या मताचा, भावनांचा आदर यावर अवलंबून असल्याने त्यांच्या सल्ल्यानुसार हा निर्णय घेतल्याचे त्यांनी राजीनामा पत्रात म्हटले.
भोईर यांना मनपाचे विरोधी पक्षनेतेपद पक्षाने दिले होते. गेल्याच आठवड्यात त्यांनी नेते राजू पाटील यांच्यासमवेत शिवतीर्थ येथे जाऊन मनसे अध्यक्ष राज ठाकरे यांची भेट घेतली होती. गेल्या काही दिवसांपासून भोईर यांच्याशी भाजप, शिंदेसेनेचे नेते संपर्कात असल्याचे वृत्त 'लोकमत'ने प्रसिद्ध केले होते.
अलीकडेच भाजपाचे प्रदेशाध्यक्ष तथा आ. रवींद्र चव्हाण यांच्या निधीतून माजी नगरसेवक प्रकाश भोईर, सरोज भोईर यांच्या प्रभागाचा भाग असलेल्या डोंबिवली पश्चिमेतील महात्मा फुले रोडवरील अनमोल नागरी ते साईनगर परिसरात १५० मिमी व्यासाची पाइपलाइन टाकण्याचे काम हाती घेतले होते. त्या कामाचा प्रारंभ रविवारी झाला. चव्हाण यांनी यावेळी भारत माता की जय आणि वंदेमातरम, भाजपचा विजय असो अशा घोषणा दिल्या. तसेच प्रकाश भोईरही लवकरच अशा घोषणा करतील, असेही चव्हाण म्हणाले होते. त्यामुळे भोईर लवकरच भाजपवासी होतील अशी शक्यता वर्तविली जात होती. त्यात त्यांनी आता मनसेतून बाहेर पडण्याचा निर्णय घेतला आहे.
Web Summary : Kalyan MNS leader Prakash Bhoir resigned, hinting at joining BJP. Citing supporters' advice, he quit after meeting Raj Thackeray. BJP leader Ravindra Chavan's recent remarks fuel speculation about Bhoir's move to BJP after infrastructure work in his area.
Web Summary : कल्याण मनसे नेता प्रकाश भोईर ने इस्तीफा दिया, भाजपा में शामिल होने के संकेत दिए। समर्थकों की सलाह का हवाला देते हुए, उन्होंने राज ठाकरे से मिलने के बाद पद छोड़ दिया। भाजपा नेता रवींद्र चव्हाण की हालिया टिप्पणियाँ भोईर के भाजपा में जाने की अटकलों को हवा दे रही हैं।