कल्याण- दोन मित्र पार्टनरशीपमध्ये चायनीज गाडी सुरू करणार होते. या आनंदात दोघांनी पार्टी दिली. मात्र या दारू पार्टीमध्ये क्षुल्लक वादातून दोघांमध्ये वाद झाला. याच वादातून एका मित्राने मित्राचीच हत्या केल्याची धक्कादायक घटना कल्याण पूर्व भागातील आडीवली परिसरात मध्यरात्रीच्या सुमारास घडली. अब्दुल उर्फ वाजिद सय्यद असे मयत व्यक्तीचे नाव आहे. याप्रकरणी मानपाडा पोलिसांनी परेश शीलकर या तरुणाला अटक केली आहे. याप्रकरणी मानपाडा पोलिसांनी पुढील तपास सुरू केला आहे.
मलंग रोड परिसरात राहणारा परेश शिलकर आणि अब्दुल उर्फ वाजीद सय्यद हे पार्टनरशीपमध्ये चायनीजची गाडी सूरु करणार होते . दोघांची तयारी झाली होती .काही दिवसातच यांचे चायनीज सेंटर सुरू होणार होते .यामुळे वाजिद सय्यद आणि परेश शिलकर यांनी त्याच्या मित्रांनी काल अडवली परिसरातील एका नव्याने बांधण्यात येत असलेल्या इमारतीच्या ठिकाणी पार्टी दिली होती. या ठिकाणी त्यांचे मित्र देखील होते. पार्टी सुरु असताना वाजिद आणि परेश या दोघांमध्ये वाद झाला. या वादातून परेशने वाजिद सय्यद याच्यावर लोखंडी पत्र्याने हल्ला केला, त्यात वाजिदचा मृत्यू झाला. वाजीदवर हल्लाकरुन त्याला जीवे ठार मारल्यावर परेशने स्वत: पोलिस नियंत्रम कक्षाला फोन करून या घटनेची माहिती दिली. मानपाडा पोलिसांनी तत्काळ घटनास्थळी धाव घेत परेशला ताब्यात घेतले. या प्रकरणी मानपाडा पोलिस पुढील तपास करत आहे.