नवी दिल्ली : कॅप्टन कूल म्हणून क्रिकेट जगतामध्ये महेंद्रसिंग धोनी ओळखला जातो. त्याचबरोबर कबड्डीमध्ये अनुप कुमारला 'कॅप्टन कूल' असे म्हटले जाते. सध्या प्रो-कबड्डी लीग सुरु असून आपल्या घरच्या सामन्याच्यावेळी अनुपने आपली निवृत्ती जाहीर करत साऱ्यांनाच धक्का दिला आहे.
अनुपने भारतीय कबड्डी संघाचे कर्णधारपद भूषवले होते. त्याचबरोबर प्रो-कबड्डीमध्ये अनुपने सुरुवातीला यु मुंबा संघाचे कर्णधारपद भूषवले होते. सध्याच्या घडीला अनुप कुमार हा जयपूर पिंक पँथर्स संघाचा कर्णधार होता.