असं म्हणतात की, नशीब खराब असेल तर भलेभले लोक महालातून रस्त्यावर येतात. ज्या व्यक्तीने लग्नानंतर कधी जमिनीवर पाय ठेवला नव्हता, आता ती व्यक्ती पतीने घटस्फोट दिल्यानंतर रस्त्यावर कॅब चालवते. आम्ही तुम्हाला सांगतोय कधीकाळी प्लेबॉयसारख्या मॅगझीनच्या मॉडलबाबत. मॉडलिंग करत असताना ननेट्टेने एका श्रीमंत व्यक्तीसोबत लग्न केलं आणि मग तिला कधीच काम करण्याची गरज पडली नाही. प्लास्टिक सर्जरीसाठी तिने कोट्यावधी रूपये खर्च केले होते. पण आता तिला ड्रायव्हरची नोकरी करावी लागत आहे.
आपल्या आयुष्यात झालेल्या या बदलानंतर नन्नेट्टेला जगातील सगळ्यात हॉट ड्राव्हयरचा टॅग मिळाला आहे. ती पतीपासून घटस्फोट घेतल्यावर आता उबर चालवत आहे. तिने प्लास्टिक सर्जरीवर साडे तीन कोटी रूपये खर्च केले होते. पण आता घटस्फोट झाल्यावर तिच्याकडे काहीच राहिलं नाही. तिने कोर्टात केस केली होती जी ती हरली. आता फार गरीबीत ती दिवस काढत आहे. आपला खर्च चालवण्यासाठी ती आता ड्रायव्हरची नोकरी करत आहे.
नन्नेट्टेने सांगितलं की, जेव्हाही ती कार घेऊन कुणाला पिक करायला जाते तेव्हा तिला पाहून सगळे हैराण होतात. अनेक लोक तर तिला प्लास्टिकची बाहुली समजतात. या करिअरमध्ये आल्यावर तिला जगातली सगळ्यात हॉट उबर ड्रायव्हरचा टॅग मिळाला आहे. पण लोक इतक्या हॉट ड्रायव्हरला पाहून हैराण होतात. अनेक लोक तिच्या कारमध्ये बसतच नाहीत. जेव्हा ती लायसेन्स दाखवते तेव्हा ते बसतात.
घटस्फोटाआधी नन्नेट्टेचं आयुष्य शाही होतं. ती रोज वेगवेगळ्या कारमध्ये फिरत होती. तिचा एक बंगला होता. पण आता ती भाड्याच्या घरात राहते. जिथे तिला बेडही नाहीये. ती खाली एका गादीवर झोपते. खाण्यापिण्यासाठीही फार कमी पैसे वाचत नव्हते. तेव्हा तिने कॅब चालवण्याचा विचार केला. उबरसोबत टायअप केल्यावर तिला टेस्ला मिळाली. जी चालवणं तिला फार आवडतं. नन्नेट्टे म्हणाली की, घटस्फोटानंतर तिच्या पतीने तिच्याकडून सगळ्या कार घेतल्या. त्यानंतर तिने ड्रायव्हर बनण्याचा निर्णय घेतला.