Bridget-Tommy Walden Love story: लव्हस्टोरी तर तुम्ही अनेक ऐकल्या, पाहिल्या आणि वाचल्या असतील, पण आज आम्ही तुम्हाला एका अशा महिलेची कहाणी सांगणार आहोत जी एका कैद्याच्या प्रेमात पडली आणि त्याच्यासोबत ती लग्न करणार आहे. या महिलेचं नाव ब्रिजेट वॉल आहे. ब्रिजेटने प्रेम मिळवण्यासाठी कुटुंबिय, मैत्रिणी आणि आजूबाजूच्या लोकांना दूर केलं. ब्रिजेट ज्याच्यावर प्रेम करते त्याचं नाव टॉमी वाल्डेन आहे. ब्रिजेटला माहीत आहे की, टॉमी नेहमीसाठी तुरूंगातच राहणार आहे. तरीही तिने त्याच्यासोबत साखरपुडा केला आणि लवकरच लग्नही करणार आहे.
कशी झाली सुरूवात
ब्रिजेटने सांगितलं की, 16 वर्षांची असताना तिचं घरच्यांनी एक लग्न करून दिलं होतं. पण पती तिच्यासोबत चांगला वागत नव्हता. त्यामुळे हे लग्न फार जास्त काळ टिकलं नाही. यातून तिला चांगलाच धक्का बसला होता. मग बऱ्याच वर्षानी तिच्या आयुष्यात टॉमी वाल्डेन आला आणि सगळं काही बदललं.
ब्रिजेटने सांगितलं की, टॉमीने मला जाणीव करून दिली की, मी जगातील सगळ्यात सुंदर महिला आहे. जिच्यावर तो प्रेम करतो. ब्रिजेट सांगते की, टॉमीसोबत तिची पहिली भेट तुरूंगात झाली होती. तुरूंगात जाण्याआधी टॉमी तिला टिकटॉकवर फॉलो करत होता. तिला मेसेज करत होता. दरम्यान त्याला तुरूंगात जावं लागलं. त्यानंतर बरेच दिवस त्याचे तिला मेसेज आले नाहीत.
जेव्हा ब्रिजेटची चुलत बहीण तुरूंगात गेली तेव्हा तिची भेट टॉमीसोबत झाली. बोलता बोलता ब्रिजेटचा उल्लेख झाला. तेव्हा टॉमी तिला म्हणाला की, तो या तरूणीला ओळखतो. टॉमीने तिला सांगितलं की, त्याला ब्रिजेट आवडते आणि तिच्यावर प्रेम करतो. त्यानंतर ब्रिजेटच्या चुलत बहिणीने दोघांचं बोलणं करून दिलं. तेव्हापासून त्यांचं बोलणं सुरू झालं.
ब्रिजेट म्हणाली की, तिला टॉमीसोबत बोलणं आवडत होतं. टॉमी एक फार चांगला व्यक्ती असल्याचं ती सांगते. त्यानंतर हळूहळू दोघांचं प्रेम वाढत गेलं. ब्रिजेट सांगते की, ती जेव्हा पहिल्यांदा टॉमीला भेटली तेव्हा तो तुरूंगात होता. ती फार नर्वस होती. कारण ती याआधी कुणालाही अशी तुरूंगात भेटली नव्हती. ब्रिजेटला एका महिन्यात 3 वेळा टॉमीला तुरूंगात भेटण्याची परवानगी होती.
ब्रिजेटचे कुटुंबिय, नातेवाईक या नात्याने नाराज होते. त्यामुळे ब्रिजेटला त्यांच्या विरोधाचा सामना करावा लागला. पण ब्रिजेटचे कुणाचं ऐकलं नाही. ब्रिजेटने सगळ्यांना दूर करून प्रेमाची बाजू घेतली. ब्रिजेटने टॉमीसोबत साखरपुडा केला. आता ती लवकरच लग्नही करणार आहे.