Unique Name Of Lady: लोकांची ओळख ही त्यांच्या नावावरून होत असते. त्यामुळे जेव्हा बाळाचा जन्म होतो तेव्हा आई-वडील खूप विचार करून त्यांचं नाव ठेवतात. पण एका महिलेचं असं नाव आहे की, ज्यावर कुणाचा विश्वास बसत नाही. तिला सगळीकडे आयडी दाखवत फिरावं लागतं. ही महिला स्वीडनमध्ये राहते.
ही महिला स्वीडनमध्ये राहणारी आहे आणि तिच्या घरातील लोकांनी तिचं नाव प्रसिद्ध स्वीडीश बॅन्डच्या नावावरून ठेवलं. तेव्हापासून तिचं तेच नाव आहे. इतकंच नाही तर कागदपत्रांवरही तिचं तेच नाव आहे. 40 वर्षीय महिला जिथेही जाते, तिला नावामुळे विचित्र वाटतं. नुकतंच तिने एका मुलाखतीत सांगितलं की, तिला सगळीकडे आयडी दाखवावं लागतं.
या महिलेचं नाव अब्बा असं आहे. महिलेने सांगितलं की, तिच्या वडिलांनी या बॅन्डच्या नावावर तिचं नाव ठेवलं कारण ते फॅन होते. Abba ने सांगितलं की, जेव्हा मी लहान होते तेव्हा नावावरून प्रश्न विचारत होते आणि ते फार अजब वाटत होतं. काही लोक तर नावाचं स्पेलिंगही विचारत होते. ती हेही म्हणाली की, तिला या नावाची एकही व्यक्ती सापडली नाही.
पण महिलेने हे आवर्जून सांगितलं की, तिला तिचं हे नाव फार आवडतं. महिला म्हणाली की, मला आठवतं जेव्हा मी माझी ड्रायव्हिंग टेस्ट देत होते तेव्हा माझे डीटेल चेक करणारे म्हणाले होते की, ते Abba बॅन्डचे फार मोठे फॅन आहेत. महिलेला हे ऐकून फार चांगलं वाटलं होतं.