सोशल मीडियावर कधी काय व्हायरल होईल, हे सांगता येत नाही. नुकताच एक असा व्हिडीओ सोशल मीडियावर व्हायरल होत आहे, जो पाहून हसावं की, वाईट वाटून घ्यावं असा प्रश्न सगळ्यांनाच पडला आहे. हा व्हिडीओ पती-पत्नीच्या वादाचा असून, जोरदार बाचाबाची होताना दिसत आहे. दोघांमध्ये आलेल्या तिसऱ्या महिलेवरून हा वाद सुरू असल्याचे लक्षात येते. या दोघांमधील वाद इतका वाढला की, पत्नीने पतीला घरातून बाहेर काढले.
सोशल मीडियावर व्हायरल होणारा हा व्हिडीओ सिंगापूरमधील असल्याचे म्हटले जात आहे. या व्हिडीओमध्ये पती पत्नी जोरजोरात वाद घालताना दिसत आहेत. या व्हिडीओमधील पत्नी पतीवर यामुळे चिडली होती की, तिच्या पतीला ऑफिसमधली एक महिला सहकारी 'बेबी' म्हणाली. यावरून पत्नीला भयंकर राग आला. यामुळे चिडलेल्या पत्नीने पतीवर धोका दिल्याचा आरोप देखील केला. मात्र, या सगळ्यादरम्यान पती स्वतःची बाजू मांडण्याचा प्रयत्न करत होता. मात्र, पत्नी काहीही ऐकून घेण्याच्या मन:स्थितीत नव्हती.
भर सोसायटीत मोठा ड्रामा!
या व्हिडीओमध्ये दिसत आहे की,पत्नी घरच्या बाल्कनीमध्ये उभी आहे, तर पती सोसायटीखाली पार्किंगमध्ये उभा आहे. पत्नी पतीवर आगपाखड करत आहे. तर, पती तिला शांत करण्याचा प्रयत्न करत आहे. जेव्हा ही महिला ओरडू लागते, तेव्हा पती तिला हळू आवाजात बोल, असे म्हणतो. मात्र, यावर ती आणखीनच संतापते आणि म्हणते की, "तू मला धोका दिला आहे आणि हे सगळ्यांना कळलं पाहिजे."
पत्नीचा संताप अनावर!
यावर उत्तर देताना पती म्हणाला की, "ती महिला ऑफिसमध्ये सगळ्यांनाच बेबी बोलते." यावर पत्नी म्हणाली की, "तुला नक्की खात्री आहे का की, ती सगळ्यांना बेबी म्हणते?" यावर पती काहीही न बोलता तिला शांत करण्याचा प्रयत्न करताना दिसत आहे. मात्र, चिडलेली पत्नी त्याला म्हणते की, "तू मला नाही सांगायचं की मी काय करायला पाहिजे, मी सांगणार तुला तू काय करायचं."
शेवटी पत्नीने पतीसमोर त्याची उशी फेकली आणि त्याला तिथेच रहा असं म्हटलं. "मला तुझं तोंडही बघायचं नाही, तू माझ्या डोळ्यांसामोरून दूर हो", अशी तंबी पत्नीने दिली.