पती-पत्नीचं नातं हे सन्मान आणि विश्वासावर चालतं. जर हेच नसलं तर नातं बिघडलं. वाद वाढतात आणि व्यक्ती आपल्या पार्टनरला दगा देण्याच्या स्थितीवर येतो. ब्रिटनमधील एक महिलेने केवळ आपल्या शौकासाठी आपल्या पार्टनरला दगा दिला. तिने एक बॉयफ्रेंड (Wife made boyfriend) बनवला. आता ती त्याच्याच पैशांवर आपलं लाइफ एन्जॉय करत आहे.
डेली स्टार न्यूज वेबसाइटच्या रिपोर्टनुसार जेनिफर नावाची एक 42 वर्षीय महिलेने तिच्या जीवनाबाबत एक धक्कादायक बाब सांगितली आहे. तिने सांगितलं की, ती विवाहित आहे, पण एक दिवस तिला असं जाणवलं की, तिची लाइफ फार बोरिंग झाली आहे. तिच्याकडे भरपूर पैसेही नाहीत जेणेकरून ती एक चांगलं लाइफ जगू शकेल. तेव्हा तिने आपल्या पतीला दगा देण्याचा प्लान केला. ती एका वेबसाइटवर तिच्यासाठी बॉयफ्रेंड शोधू लागली.
ही वेबसाइट विवाहित लोकांना अफेअर करण्यासाठी तयार करण्यात आली आहे आणि यावर विवाहित लोक अफेअरसाठी पार्टनर शोधत असतात. जेनिफरने सुद्धा तेच केलं आणि एक बॉयफ्रेंड शोधला. जेनिफरने आधी जुगार खेळून पैसे कमावण्याचा विचार केला, पण नंतर तिला ते रिस्की वाटलं. त्यामुळे तिने पैसेवाला बॉयफ्रेंड बनवणं ठरवलं. जेनिफर सांगते की, आधी तिने विचार नव्हता केला की, ती बॉयफ्रेंडकडून पैसे घेईल. पण नंतर ती नकार देऊ शकली नाही.
आता तिला तिच्या बॉयफ्रेंडकडून महिन्याला 60 हजार रूपये खर्चासाठी मिळतात. ज्यातून ती शॉपिंग करते. हैराण करणारी बाब ही आहे की, पतीलाही याबाबत काही संशय आलेला नाही की, जेनिफर त्याला दगा देत आहे. फक्त तो हा विचार करतो की, जेनिफरकडे पैसे कुठून येत आहेत, ज्यातून ती इतकी खरेदी करते.
जेनिफर म्हणाली की, तिला फक्त या गोष्टीची चिंता आहे की, तिचं सत्य समोर आलं तर ती तिच्या पतीला गमावून बसेल. जेनिफर म्हणाली की, तिचं हे अफेअर फक्त तिचा खर्च चालवण्यासाठी आहे.