Divorce Just After Wedding : जगभरातून रिलेशनशिप आणि लग्नाच्या अनेक अजब घटना समोर येत असतात. भारतात तर लग्नाच्या सीझन अनेक फोटोज आणि व्हिडीओ व्हायरल होत असतात. अशात अमेरिकेतील एका लग्नाची चर्चा सुरू आहे. इथे एका लग्नात असं काही झालं की, लग्नाच्या दुसऱ्या दिवशीच नवरीने नवरदेवाला घटस्फोट दिला. याचं कारण नवरदेवाने एक मोठी चूक केली.
ही घटना अमेरिकेच्या एका शहरातील आहे. मीडिया रिपोर्ट्सनुसार, इथे एका कपलने नुकतंच लग्न केलं होतं. त्याआधी दोघेही बऱ्याच वर्षापासून एकमेकांसोबत रिलेशनशिपमध्ये होते आणि दोघांना नंतर लग्नाचा निर्णय घेतला. या लग्नात दोघांचे परिवार आणि मित्रांनी हजेरी लावली. त्यानंतर दुसऱ्या दिवशी लग्नाचं रिसेप्शनही झालं.
या रिसेप्शनमध्ये केक कापण्याचा कार्यक्रमही ठेवण्यात आला होता. रिपोर्ट्सनुसार, या सेरेमनीमध्ये नवरदेवाने एक मोठी चूक केली आणि ही चूक त्याला आयुष्यभर लक्षात राहील. यावेळी एक मोठा केक मागवण्यात आला होता आणि कपल तो कापण्यासाठी पुढे आले. यादरम्यान नवरीने नवरदेवाला सांगितलं की, त्याने तिच्या गालावर केक लावू नये. पण नवरदेवाने ते ऐकलं नाही आणि त्याने चूक केली.
झालं असं की, नातेवाईकांनी टाळ्या वाजवल्या, नवरदेवाने नवरीचं डोकं केकच्या आत कोंबलं. याची कल्पना तिथे कुणी केली नसेल. यावर नवरीला इतका राग आला की, तिने तिथेच नवरदेवाला घटस्फोट दिला. ती म्हणाली की, जर त्याने आज तिचं ऐकलं नाही तर पुढे कसं ऐकेल. दोन्ही परिवारांनी तिला समजावण्याचा प्रयत्न केला. पण तिने घटस्फोट घेतला.