जगातलं कोणतंही शहर असो, मुली तिथे सुरक्षित असतीलच असं नाही. हे सिध्द करणारी घटना इस्ट इंग्लडमध्ये घडली आहे. तिथे एका मुलीवर एकाच रात्री तीन वेळा बलात्कार करण्यात आला. रस्त्यावर ती अर्धनग्न अवस्थेत पडली असताना हा सगळा प्रकार लक्षात आला. पोलिसांनी याबाबत तपास सुरू केला आहे.
इस्ट इंग्लडमधील टॉवर हॅम्लेट येथील एका पबमध्ये ही तरुणी गेली होती. तेथून बाहेर पडल्यानंतर एकटीच घरी जाताना हा प्रकार घडला. या प्रकरणी पोलिसांनी सीसीटीव्ही फुटेज तपासले असता अनेक धक्कादायक प्रकार समोर आले आहेत. सीसीटीव्ही फुटेजनुसार शुक्रवारी २९, सप्टेंबरच्या रात्री कॅम्ब्रिज रोडवर दोघांनी तिच्याशी जवळीक साधण्याचा प्रयत्न केला. सीसीटीव्ही फुटेजनुसार पोलिसांनी तेथे अधिक तपासणी केली असता त्यांना तेथे मुलीचे कपडे आढळून आले.
पुढील रस्त्यावरील सीसीटीव्ही फुटेजमध्ये ती पुन्हा अर्धनग्न अवस्थेत दिसते आहे. एक मोटारसायकलस्वारही तेथून जाताना दिसतो. मिंट स्ट्रीटवर या माणसाने तिचा पाठलाग केला. त्यानंतर बेंथल ग्रीन ओव्हरग्राऊंड स्टेशन या दिशेने जाताना दिसले. त्यानंतरच्या पुढच्या रस्त्यावर एक माणूस तिच्या बोलण्याचा प्रयत्न करताना दिसतो, तर पुढच्या वेळेला तो तेथून निघून जाताना दिसतोय असं पोलिसांनी सांगितलं. खरंतर हा सगळा प्रकार फार धक्कादायक आहे.
स्थानिकांनी तिला अर्धनग्न अवस्थेत रस्त्यावर पडलेली पाहिल्यावर त्यांनी लगेच पोलिसांना कळवले. पोलिसांच्या तपासानुसार ती ड्रग्सची व्यसनी होती आणि सगळा प्रकार झाला तेव्हाही तिने ड्रग्सचं सेवन केलेलं होतं. पोलिसांनी असंही सांगितलं की तीनपैकी दोन बलात्कार फार अमानुष होते. त्यामुळे तिच्या जिवालाही धोका पोहचला असता, मात्र वेळीच तिच्यावर उपचार झाल्याने ती वाचली आहे.
सर्व फोटोज - www.thesun.co.uk