मित्रांसोबत पार्टी करण्याची एक वेगळीच मजा असते. लोक पार्टी करण्यासाठी वेगवेगळं कारण आणि वेगवेगळी पद्धत शोधत असतात. कुणी शेतात पार्टी करतात तर कुणी जंगलात किंवा डोंगरावर जातात तर कुणी नदी किनारी जातात. पूल पार्टीचीही अनेकजण मजा घेतात. पण सध्या एका वेगळ्याच पूल पार्टीचा व्हिडीओ व्हायरल झाला आहे. जो बघून तुम्हीही अवाक् व्हाल.
या व्हिडीओत पूल पार्टी तर आहेच पण ही पूल पार्टी स्वीमिंग पूलवर नाही तर कारमध्ये सुरू आहे. सध्या सगळीकडे उन्हाचा तडाखा आहे. लोक घामाने हैराण झाले आहेत. अशात बऱ्याच लोकांना पूल पार्टी करणं आवडतं. या व्हिडीओत तेच आहे. पण यात पूल नाही तर कार आहे.
व्हिडीओत तुम्ही बघू शकता की, तीन मित्रांनी कारमध्ये पूल तयार केला आहे. कारमधील सगळ्या सीट्स काढून आणि प्लास्टिक टाकून त्यात पाणी भरण्यात आलं आहे. या पाण्यात बसून ते एन्जॉय करत आहेत. कदाचित पार्टीची ही आयडिया याआधी कुणाला सुचली नसेल किंवा असं कुणी पाहिलंही नसेल.
हा व्हिडीओ इंस्टाग्राम हॅंडल @armylosers वर शेअर करण्यात आला आहे. हा व्हिडीओ लोकांना खूप आवडला आहे. आतापर्यंत या व्हिडीओला 28 लाखांपेक्षा जास्त लाइक्स मिळाले आहेत. तसेच लोक या व्हिडीओवर अनेक मजेदार कमेंट्सही करत आहेत.