प्रत्येक शिक्षकाचा हाच प्रयत्न असतो की, आपल्या विद्यार्थ्यांना फार मजेदार आणि वेगळ्या पद्धतीने शिकवावं. मात्र, तायवानच्या एका शिक्षकाने दोन पाउल पुढे जात मुलांना शिकवण्याची एक अजब पद्धत शोधून काढली आहे. गणित शिकवणारा हा शिक्षक आपले गणित शिकवतानाचे व्हिडीओ पॉर्न वेबसाइटवर अपलोड करतो. आतापर्यंत त्याने २०० पेक्षा जास्त व्हिडीओ अपलोड केले आहेत.
चांगसू नावाच्या या शिक्षकाकडे गणितामध्ये मास्टर डिग्री आहे आणि कथितपणे १५ वर्षापासून तो ऑनलाइन तसेच तायवानच्या शाळांमध्ये शिकवत आहे. आधी तो ऑनलाइन क्लाससाठी यूट्यूबवर निर्भर होता. पण गेल्यावर्षी त्याने पॉर्नहब वेबसाइटवर काही व्हिडीओ अपलोड करून क्लास घेण्याचा निर्णय घेतला.
चांगसू म्हणाला की, 'फार कमी लोक वयस्क व्हिडीओ प्लॅटफॉर्मवर गणित शिकतात, या वेबसाइटवर जास्तीत जास्त लोक पॉर्न व्हिडीओ बघतात. मी विचार केला की, मी जर यावर माझे व्हिडीओ अपलोड केले तर ते बरेचजण बघतील'. त्याने इतरही काही वेबसाइटवर व्हिडीओ अपलोड करण्याचा प्रयत्न केला.
सध्या चांगसूचं पॉर्नहब चॅनल आहे. ज्याचं नाव 'चंगसुमथ ६६६' आहे. अनेक विद्यार्थ्यांना गणित शिकवणाऱ्या विद्यार्थ्याची गरज असते. ते मला पॉर्नहबच्या माध्यमातून ओळखतात आणि त्यातील काही माझा कोर्स विकतही घेतात'. कोर्स विकून चांगसू दरवर्षी १.८८ कोटी रूपये कमवतो. म्हणजे दर महिन्याला १५ लाख रूपये.