रजनीकांतचा रोबोर्ट चित्रपटातील चिट्टी नावाच्या रोबोर्टचे कारनामे पाहुन सर्वांनी तो चित्रपट अक्षरश: डोक्यावर घेतला होता. रजनीकांतच्या रोबोर्टसारखे कारनामे करणारा रोबोर्ट तुम्ही प्रत्यक्षात पाहिला तर? तुमचा त्याच्यावर विश्वासच बसणार नाही पण, Boston Dynamics या युट्यूब चॅनलवर पोस्ट केलेल्या व्हिडिओत तुम्हाला रोबो रजनीकांतच्या चिटी प्रमाणेच कारनामे करताना दिसतील.
हे रोबो अत्यंत सफाईदारपणे आणि माणसांप्रमाणे धावतात, उडया मारतात, अडथळ्यांची शर्यत पार करतात. शेवटी या रोबोर्टनी जी बॅकफ्लिप केलीय ती पाहुन तर तुम्हाला आश्चर्याचा धक्काच बसेल. हा व्हिडिओ तुम्ही पुन्हा पुन्हा पाहाल.
यातील एक रोबोर्टचे नाव एटल्स असून त्याची उंची ५ फुट आहे. त्याचं वजन ८६ किलो आहे. या रोबोंना तयार करणाऱ्या टिमचा प्रमुख याने सांगितले की या रोबोर्टना चॅलेंजेस दिले जातात. तसंच हे रोबोर्ट तीन ऑनबोर्ड कम्प्युटरवर चालतात. कंपनीचं म्हटलंय, हे रोबोर्ट्स संशोधनासाठी वापरण्यात येणार आहेत.