जगभरात सतत अशा अनेक घटना घडत असतात ज्यांबाबत ऐकून अनेक विश्वास बसत नाही. कधी मनुष्य प्राण्यांसारखे वागू लागतात तर कधी तर कधी प्राण्यांचे अजब किस्से समोर येत असतात. असाच एक उंदरांचा फारच अवाक् करणारा किस्सा आज आम्ही तुम्हाला सांगणार आहोत. तुम्ही कधी उंदरांना नशा केल्याचं ऐकलंय का? नक्कीच ऐकलं नसेल.
उंदरांना तुम्ही वेगवेगळ्या गोष्टी खाताना पाहिलं असेल. कागद, धान्य, अन्न उंदीर सगळंच खातात. पण त्यांना नशा करताना तुम्ही पाहिलं नसेल. आज अशाच काही नशेडी उंदरांचा किस्सा सध्या चर्चेत आहे. त्यांना गांजाचा नशा केला अन् पोलिसांची अडचण वाढवली.
अमेरिकेच्या लुसियाना पोलीस स्टेशनमध्ये ही घटना घडली. पोलीस स्टेशनमध्ये येऊन उंदरांना गांजा सेवन केला आणि अशी नशा चढली की, इमारतीतील पोलिसांचे अनेक पुरावे-रेकॉर्ड खाऊन टाकले. इथे लुसियाना पोलीस स्टेशनच्या जुन्या इमारतीत उंदीर आणि खूप झुरळं आहेत. उंदरांनी येथील गांजा खाल्ला आणि मग जो काही धिंगाणा घातला की, पोलीस आता वैतागलेत. अनेक केसेसमधील पुरावे त्यांनी खाऊन टाकले.
या घटनेबाबत पोलीस अधिकारी एनी किर्कपॅट्रिकने सांगितलं की, उंदीर गांजा खाऊन नशेत आहे. आता याचा शोध घेतला जात आहे की, उंदरांना गांजा कुठून मिळाला. त्यांना ही सवय कशी लागली. घाण आणि कचऱ्यामुळे उंदीर आणि झुरळं पोलीस स्टेशनमध्ये येत आहेत. अशात आता पोलीस स्टेशन दुसऱ्या ठिकाणी शिफ्ट करण्याचा विचार केला जात आहे. जेणेकरून अशा घटना पुढे घडू नये.