खऱ्या प्रेमात व्यक्ती काय करेल काहीच नेम नसतो. प्रेमात लोक जीव घ्यायलाही तयार असतात आणि द्यायलाही तयार असतात. पण काही लोक प्रेमात वेडेपणाची सीमा पार करतात आणि मग तेव्हा सुरू होते मोठी समस्या. अशीच एक घटना थायलॅंडमधून (Thailand) समोर आली आहे. येथील एक व्यक्ती प्रेयसीवर वेड्यासारखा प्रेम करायचा. पण काही कारणास्तव त्याच्या प्रेयसीला त्याच्यापासून दूर जावं लागलं. यादरम्यान आपल्या खऱ्या प्रेमाचा पुरावा देण्यासाठी व्यक्तीने त्याच्या प्रायव्हेट पार्टला लॉक (Man Sealed Private Part) लावण्याचा निर्णय घेतला. त्यानंतर जे झालं ते तो आयुष्यभर विसरणार नाही.
थायलॅंडमधील वेब पोर्टल Sanook याबाबतचं वृत्त दिलं आहे. या वेबसाईटनुसार, या व्यक्तीला प्रेयसीला दाखवायचं होतं की, तो तिच्यावर किती प्रेम करतो. त्यासाठी त्याने प्रेमाचा पुरावा म्हणून आपल्या प्रायव्हेट पार्टवर लॉक लावून घेतलं होतं. प्रेयसी सोबत नसताना त्याचं लक्ष दुसऱ्या एखाद्या महिलेकडे जाऊ नये म्हणून त्याने असं केलं होतं. किंवा प्रेयसीच्या मनात कोणत्या प्रकारचा संशय येऊ नये हेही त्यामागचं एक कारण होतं.
या व्यक्तीच्या आईने याबाबत सांगितलं की, तिला ज्या दिवशी याबाबत कळालं त्याच्या ठीक दोन दिवसांआधी मुलाची प्रेयसी घरी येऊन गेली होती. ती तिच्या शिक्षणासाठी दुसऱ्या शहरात जात होती. त्यामुळे तिचा मुलगा चिंतेत होता आणि त्याल्या त्याच्या प्रेयसीला त्याच्या प्रेमाचा विश्वास द्यायचा होता. त्याने प्रेयसीसमोरच त्याच्या प्रायव्हेट पार्टला लॉक लावलं.
दोन दिवसांनंतर त्याच्या रूममधून आई वेदनेने ओरडल्याचा आवाज ऐकू आला. जेव्हा आईने त्याच्या रूममध्ये जाऊन पाहिलं तर तो वेदनेने तडपत होता. आईने लगेच मुलाला हॉस्पिटलमध्ये दाखल केलं. तिथे डॉक्टरांना दिसलं की, व्यक्ती प्रायव्हेट पार्ट पूर्णपणे सुजला आहे. ४८ तास लॉक लावून ठेवल्यामुळे त्याचा प्रायव्हेट पार्ट सुजला होता. मग डॉक्टरांनी लॉकची चावी मागवली आणि लॉक उघडलं. काही दिवसांसाठी व्यक्तीला हॉस्पिटलमध्ये ठेवण्यात आलं. सध्या या घटनेची चर्चा थायलॅंडमध्ये रंगली आहे.