बिहारमध्ये पत्नीसोबतच दुसऱ्यांदा केलेले लग्न चर्चेचा विषय बनले आहे. एका विवाहित महिलेने आंधळ्या प्रेमाच्या धुंदीत पतीला सोडून प्रियकरासोबत लग्न केले होते. प्रियकर हा तिचा भाचाच लागत होता, परंतू काही दिवसांनी पती बनलेल्या भाच्याने हात वर केले आणि तिला सोडून पळून गेला. यामुळे एकट्या पडलेली महिलेला तिच्या जुन्या पतीने पुन्हा स्वीकारल्याचा प्रकार घडला आहे. सगळीकडे पतीच्या या विशालहृदयी निर्णयाची चर्चा होत आहे.
महिलेने भाच्यासोबत लग्न करताना पतीला सोडचिठ्ठी दिली होती. तेव्हा तिने पती डब्ल्यू शर्माला सोडून प्रियकर संतोष कुमारसोबत स्वेच्छेने लग्न करत असल्याचे लिहून दिले होते. या लग्नाला तिच्या घरचेदेखील उत्साहाने सहभागी झाले होते. बिहारच्या खगडिया जिल्ह्यातील हे प्रकरण आहे. मामाकडे संतोष नेहमी येत जात होता. यावेळी मामीचा भाच्यावर जीव जडला. या दोघांना रोमान्स करत असताना गावकऱ्यांनी पकडले होते. यामुळे पतीनेच दोघांचे लग्न लावून दिले होते.
मामी अनिता कुमारी आणि भाचा संतोष हे लग्न करून त्याच्या गावी गेले, तेव्हा घरच्यांनी विरोध केला. यामुळे संतोष पळून गेला. आता इकडे अनिता कुमारीची पंचाईत झाली. पतीला सोडले, भाचा पळून गेला आता जायचे कुठे? ती पुन्हा पहिल्या पतीकडे आली आणि त्याला समजविण्याचा प्रयत्न करू लागली. अखेर खूप वेळा समजावल्यानंतर पती तिला स्वीकारण्यास तयार झाला. त्याने पत्नीसोबत पुन्हा लग्न केले, कपाळावर सिंदूर लावला आणि तिला स्वीकारले.