Bihar : बिहारच्या सारण जिल्ह्यातून एका विवाहित महिलेचं तिच्या प्रियकरासोबत लग्न लावून देण्यात आल्याची घटना समोर आली आहे. असं सांगण्यात आलं की, महिलेचं लग्नाच्या आधीपासून अफेअर सुरू होतं. लग्नानंतर ती तिच्या प्रियकराला लपून-लपून भेटत होती. बुधवारी महिलेने तिच्या प्रियकराला सासरी बोलवलं होतं. यादरम्यान सासरच्या लोकांनी एका बंद खोलीत दोघांनाही रंगेहाथ पकडलं. आधी तर तरूणाला बेदम मारहाण करण्यात आली आणि नंतर गावातील लोकांसमोर दोघांचं लग्न लावून देण्यात आलं.
गावातील लोकांनी सांगितलं की, तरूण धर्मेंद्र भेल्दीच्या अरना गावात राहणारा आहे. महिला पुनिता उर्फ पिंकीचं लग्न तीन वर्षाआधी अमरेश कुमारसोबत झालं होतं. अमरेश कामासाठी नेहमीच बाहेर राहत होता. पिंकी तिच्या वृद्ध सासू-सासऱ्यांसोबत सासरी राहत होती.
पिंकीचं लग्नाच्या आधीपासून अफेअर सुरू होतं. पिंकीच्या सासरच्या लोकांनी सांगितलं की, दोघेही आधी घरातून पळून गेले होते. त्यावेळी स्थानिकांनी आणि पोलिसांनी प्रकरण शांत केलं होतं. पण बुधवारी दोघांना सोबत पकडल्यानंतर स्थिती गंभीर झाली.
गावातील लोकांनी सांगितलं की, पिंकी नेहमीच तिच्या प्रियकराला तिच्या सासरी किंवा माहेरी भेटण्यासाठी बोलवत होती. पण बुधवारी रात्री दोघांनाही एक बंद खोलीत पकडण्यात आलं. ज्यानंतर तरूणाला मारहाण करण्यात आली आणि त्याला बंदी बनवलं. सासरच्या लोकांनी दोघांच्याही कुटुंबियांना बोलवलं आणि सगळ्यांसमोर त्यांचं लग्न लावून दिलं. पिंकीने सांगितलं की, चार वर्षांपासून दोघांचं प्रेम प्रकरण सुरू आहे.