गर्लफ्रेंड बॉयफ्रेंडच्या अनेक अजब घटना जगभरातून नेहमीच समोर येत असतात. अशीच एक अवाक् करणारी घटना समोर आली आहे. या व्यक्तीचं मत आहे की, त्याच्या गर्लफ्रेंडला कुत्र्यासारखं वागणं आवडतं. ती त्यांच्यासारखीच चालते. पण हे ती हे केवळ घरीच करते असं नाही तर बाहेरही करते. 21 वर्षीय जेना अमेरिकेच्या टेक्सासमध्ये राहणारी आहे. तिने बालपणापासून पपी प्ले नावाचा एक गेम खेळणं सुरू केलं होतं. ती आजही हा गेम खेळते. त्यांनी लव कांट जज नावच्या यूट्यूब चॅनलवर आपल्याबाबत सांगितलं.
मिरर यूकेच्या रिपोर्टनुसार, जेना म्हणाली की, मी माझ्या आईला सांगत होती की, तिने माझ्यासोबत कुत्र्यांसोबत खेळावं. जेणेकरून मलाही कुत्र्यांसारखा वागता येईल. माझे आई-वडील नेहमीच याचा विरोध करत होते. पण मी असं करू शकले नाही.
आता जेना तिच्या 30 वर्षीय बॉयफ्रेंड लोरेंजोसोबत राहते. त्याचं मत आहे की, त्याची गर्लफ्रेंड कशीही वागत असेल तरी त्याचं तिच्यावर प्रेम आहे. पण जेनाच्या अशा वागण्यावर अनेक लोक टीका करतात. लोक प्रश्न उपस्थित करतात की, जेना दोन हात आणि पायांवर का चालते?
लोरेंजो म्हणाला की, जेव्हा आपण लोकांमध्ये असतो तेव्हा असं काही अनेकदा लाजिरवाणं वाटतं. पण मला हे अजब वाटत नाही. मला तिच्यावर लक्ष देणं आवडतं. तिला सुरक्षित वाटवणं महत्वाचं वाटतं आणि सगळ्यात महत्वाचं म्हणजे तिला आनंदी बघणं.
जेना पुढे म्हणाली की, जेव्हा मी पहिल्यांगा लोरेंजोला याबाबत सांगितलं तेव्हा त्याला काही धक्का बसला नाही. त्याला हे योग्य वाटलं. मग मला काही टेंशनच राहिलं नाही.
जेव्हा तिला यावरून सोशल मीडियावर ट्रोल करण्यात आलं त्यावर ती म्हणाली की, मला हे माहीत आहे की, मी कुणाला इजा करत नाहीये. मी अडचणीत नाहीये. मी फक्त इंटरनेटवर आपल्या पद्धतीचं जीवन दाखवत आहे आणि त्यावर लोक आपली मते व्यक्त करत आहेत. कुत्र्यांच्या पार्कमध्ये जाणं तिच्या आवडत्या गोष्टींपैकी एक आहे. मला वाटतं की, लोरेंजो सगळ्यात चांगला मालक आहे. तो माझी काळजी घेतो.