सध्याचा जमाना हा ऑनलाईन डेटिंगचा आहे. लोक सोशल मीडियावर अनेकांशी संवाद साधतात, एकमेकांचे फोटो बघतात आणि भेटतात. पण काही केसेसमध्ये ही ऑनलाईन डेटिंग फार घातकही ठरते. लोक एकमेकांना व्यवस्थित ओळखू शकत नाहीत आणि मग भेट झाल्यावर त्यांना काही गोष्टींचा धक्का बसतो.
जाकिर नावाच्या व्यक्तीसोबतही असंच काहीसं झालं. त्याने टिकटॉकवर त्याच्या डेटिंगचा किस्सा सांगितला. जाकिरने व्हिडिओच्या कॅप्शनला लिहिलं होतं की, “worst date in a very long time” म्हणजे आतापर्यंतही सगळ्यात वाईट डेट. व्हिडिओ जाकिरने सांगितलं की, डेटिंग अॅप बम्बलवर मी सिडनी नावाच्या एका महिलेला भेटलो. फोनवर बरच बोलणं झाल्यावर आम्ही भेटण्याचा निर्णय घेतला.
सगळ्यात आधी तर मला दिसलं की, ती फोटोंमध्ये दिसते तशी नव्हती. म्हणजे तिने फोटो फिल्टर केले होते. इतकंच नाही तर सिडनी खोटी बोलली होती की, तिला मुलं नाहीत. तिच्या इन्स्टावरून मला हे समजलं होतं.
जाकिरने पुढे सांगितलं की, इथपर्यंत सगळं काही ठीक होतं. पण माझं डोकं तेव्हा खराब झालं तेव्हा आम्ही रेस्टॉरंटमध्ये जेवण मागवलं. इथे जेवणासोबत तिने एकूण 53 फ्राइड पिकल खाल्ले. वेटर 6-6 पिकल आणत होता आणि ती खात होती. मला आठवतं जेव्हा वेटर पिकल थोडे थोडे आणत होता तेव्हा ती त्याच्यावर चिडली आणि एकदाच प्लेटमध्ये का ठेवत नाही असं म्हणाली. जाकिर म्हणाला की, हे मला फारच लाजिरवाणं वाटलं. पण हैराण करणारी बाब म्हणजे ती खातच होती.
त्याने पुढे सांगितलं की, त्यानंतर तर आणखी मोठा कारनामा झाला. मी वॉशरूमला गेलो आणि परत आलो तर बघितलं की, तिने पोटभर खाऊन झाल्यावर बिल माझ्यासाठी सोडली आणि ती पसार झाली. मला त्या पिकलसाठी 140 डॉलर म्हणजे 11 हजार रूपये द्यावे लागले. जाकिरच्या या पोस्टवर खूप लोकांनी कमेंट केल्या.