Man Lived In Cave For 16 Years : तुम्ही आपले आरामदायक जीवन सोडून जंगलात राहू शकता का? याचे उत्तर नाही, असेच असेल. पण, एका व्यक्तीने आपले आरामदायक आयुष्य सोडून आदिमानवाप्रमाणे जंगलातील गुहेत रहाण्याचा निर्णय घेतला. विशेष म्हणजे, या व्यक्तीने आपल्या आयुष्यातील 16 वर्षे याच गुहेत घालविली. तुम्हाला प्रश्न पडला असेल की, या व्यक्तीने असा निर्णय का घेतला..?
अमेरिकेच्या युटा येथील रहिवासी असलेला डॅनियल शेलबर्गर तब्बल 16 वर्षे जंगलातील गुहेत राहिला. याबाबत त्याने सांगितले की, शहरात तो एका भाड्याच्या घरात राहायचा आणि भाडे देऊन आणि आधुनिक जीवनाला कंटाळला होता. यामुळेच त्याने आपले आरामदायक आयुष्य सोडून जंगलात राहण्याचा निर्णय घेतला. गुहेत राहण्यासाठी पैसे लागत नाहीत, असे डॅनियल म्हणतो.
90 च्या दशकापासून गुहेत राहत होता. परंतू, पूर्णपणे गुहेत राहण्याचा निर्णय त्याने 2009 मध्ये घेतला. या काळात त्याने रस्त्यावरुन गोळा केलेल्या नैसर्गिक वनस्पती आणि खाद्यपदार्थांच्या वस्तू खाऊन जगला. परंतु 2016 मध्ये आपल्या म्हाताऱ्या पालकांची काळजी घेण्यासाठी त्याला शहरात परत जावे लागले. या निर्णयामुळे तो एक सुप्रसिद्ध चेहरा बनला आणि ओन्ली ह्यूमनच्या एपिसोडमध्येही दिसला आहे.