(Image Credit : The Mirror)
अनेकांना विचित्र वस्तू गोळा करण्याचा छंद असतो. पण काही लोकांचा हा छंद दुसऱ्या व्यक्तीसाठी त्रासदायक ठरत असेल तर मग चांगलीच पंचाईत होते. काही लोकांचे असे छंद पाहून हसावं की रडावं हेही कळत नाही. असंच एक प्रकरण समोर आलं आहे. एका तरूणीला त्याच्या गर्लफ्रेन्डच्या कपाटात अशाकाही वस्तू सापडल्या ज्या पाहून तो घाबरला. आता या तरूणाने लोकांकडे सल्ले मागितले आहे की, त्याने काय करावे.
The Mirror ने दिलेल्या वृत्तानुसार, एक तरूणी आणि तरूणी लिव्ह-इन-रिलेशनशिपमध्ये राहतात. गेल्यावर्षीच दोघांची भेट झाली होती आणि त्यानंतर दोघे एकत्र राहू लागले. एकेदिवशी तरूणी कॉलेजला गेलेली होती. तेव्हा तिच्या बॉयफ्रेन्डने तिचं कपाट उघडलं. कारण त्याला संशय होता की, त्याची गर्लफ्रेन्ड त्याच्यापासून लपवून कपाटात काहीतरी ठेवते.
या तरूणाने जसंही कपाट उघडलं, त्याला त्यात एक बॉक्स मिळाला. त्याने बॉक्स उघडला आणि आतला नजारा पाहून तो थक्क झाला. या बॉक्समध्ये त्याला वापरलेला ब्रश, गर्लफ्रेन्डचे केस अडकलेला कंगवा, वापरलेला कंडोम, कापलेली नखे इतकेच काय तर शॉपिंगची कितीतरी बिलं यात त्याला मिळाली.
इतकेच नाही तर त्याला गर्लफ्रेन्डच्या कपाटातून खाण्याच्या पदार्थांचे पॅकेट्स, तुटलेला दुधाचा ग्लास, वापरलेला अर्धा साबण, प्लास्टर, च्यूइंगम, फाटलेले बॉक्सर शॉट्स सुद्धा मिळालेत. या बॉक्समध्ये अशाही काही वस्तू होत्या ज्या त्याच्याकडून हरवल्या होत्या. इतक्या सगळ्या विचित्र वस्तू पाहून तो पार घाबरला आणि त्याने बॉक्स पुन्हा कपाटात तसाच ठेवला.
हा सगळा किस्सा त्याने रेडिटवर शेअर केला आणि त्याने लोकांकडे सल्ला मागितला की, त्याने आता काय करावं? काही लोकांनी सांगितलं की, त्याने गर्लफ्रेन्डला सोडून द्यावं तर काही लोक म्हणाले की, त्याची गर्लफ्रेन्ड जादूटोना करणारी असू शकते. कारण अशा वस्तू तेच लोक जमा करत असतात.