Bihar : मानसिक रूपाने आजारी असलेल्या लोकांचे अनेक हैराण करणारे कारनामे नेहमीच समोर येत असतात. कुणी लोखंडी खिळे तर कुमी कॉईन गिळतात. कुणी केस खातात. अशा अनेक धक्कादायक घटना समोर येत असतात. आता याहून एक हैराण करणारी घटना बिहारमधून समोर आली आहे. इथे एका मानसिक रूपाने त्रासात असलेल्या तरूणाने रागाच्या भरात आपलं गुप्तांग कापलं.
या घटनेची माहिती मिळताच कुटुंबियांनी त्याला लगेच पूर्णियातील हॉस्पिटलमध्ये दाखल केलं. इथे त्याच्यावर उपचार सुरू आहेत. मिस्टर दीपू असं या 24 वर्षीय तरूणाचं नाव आहे. हा तरूण पाणीपुरीची गाडी चालवतो. तरूणाचे कुटुंबिय आणि स्थानिक व्यक्ती राजेंद्र पोद्दारने सांगितलं की, दीपू गेल्या काही महिन्यांपासून काही कारणाने टेंशनमध्ये होता. त्यामुळे त्याने हे धक्कादायक पाउल उचललं. पण त्याचं लग्न होत नसल्याने त्याने हे कृत्य केल्याचं समोर आलं.
पीडित तरूण मिस्टर दीपू याने सांगितलं की, तो काही महिन्यांपासून टेंशनमध्ये होता आणि त्यामुळेच त्याने असं पाउल उचललं. रागाच्या भरात त्याने धारदार ब्लेडने आपलं गुप्तांग कापलं. त्याने सांगितलं की, लग्न होत नसल्याकारणाने तो टेंशनमध्ये होता.
याआधीही त्याने असे कारनामे केल्याचं त्याच्या कुटुंबियांनी सांगितलं. ते म्हणाले की, याआधीही दीपूने आपल्या शरीरावर ब्लेडने वार केले. सध्या ऑपरेशननंतर त्याची स्थिती स्थिर आहे.
डॉक्टरांनी सांगितलं की, असं लक्षात येत आहे की, तरूणाने आपलं गुप्तांग धारदार ब्लेडने कापलं होतं. कुटुंबियांनी त्याला वेळीच हॉस्पिटलमध्ये आणलं. ज्यामुळे त्याच्यावर वेळीच उपचार करण्यात आले आणि तरूणाचा जीव वाचला. सध्या त्याच्यावर उपचार सुरू आहेत. काही दिवसांनी त्याला घरी पाठवलं जाईल.