Weird Relation : कोणतंही नातं हे विश्वासावर टिकून असतं. मग ते पती-पत्नीचं असो वा गर्लफ्रेंड-बॉयफ्रेंडचं असो. पण यातील कुणीही सीमा ओलांडली की, नातं टिकत नाही. अनैतिक संबंधांच्या अनेक अजब घटना नेहमीच समोर येत असतात. कधी तीन मुलांची आई प्रियकरासोबत पळून जाते तर कधी पती प्रेयसीसाठी पत्नीची हत्या करतो. तर कधी सासरा आणि सूनेचे प्रेम संबंध जुळतात. अशीच एक घटना ब्रिटनच्या साउथ वेल्समधून समोर आली आहे. इथे एका सासरा आणि सूनेने नात्यांची सीमा ओलांडून असं काम केलं ज्यामुळे मुलाला धक्का बसला.
मिरर वेबसाइटच्या रिपोर्टनुसार, साउथ व्हेल्सच्या रॉन्डा (Rhondda, South Wales) मधील ही घटना आहे. इथे एक सून आपल्या सासऱ्याच्या प्रेमात पडली. हे जेव्हा पतीला समजलं तेव्हा फार उशीर झाला होता. रिपोर्टनुसार, डेकलन फुलरची 22 वर्षीय पत्नी स्टेफनीने त्याला दगा दिला होता. तिचे डेकलनचे 42 वर्षीय वडील डेरनसोबत संबंध होते. पती-पत्नीला एक 2 वर्षाची मुलगीही आहे. तिच्या देखरेखीसाठी त्यांनी घरात एक कॅमेराही लावला होता.
डेकलनचे वडील डेरन हे गेल्यावर्षी सप्टेंबरमध्ये कपलसोबत राहण्यासाठी आले होते. ते बेरोजगार होते आणि घरीच राहत होते. एक दिवस अचानक डेकलनने कॅमेरात पाहिलं की, पत्नी पुन्हा पुन्हा वडिलांच्या रूममध्ये जात आहे. दिवसाही तिला वडिलांच्या रूममध्ये जाताना पाहून त्याला विश्वास बसला की, दोघांमध्ये काहीतरी सुरू आहे. जेव्हा त्याने याबाबत पत्नीला विचारलं तर त्यांनी संबंधाची बाब कबूल केली. त्याहूनही मोठा खुलासा हा झाला की, स्टेफनी तिच्या सासऱ्याच्या बाळाची आई होणार आहे.
हे ऐकून डेकलनच्या पायाखालची जमिनच सरकली. स्टेफनीला जुळी मुलं होणार आहेत. तो या गोष्टीने निराश आहे की, त्यांची मुलगी आणि वडिलांच्या होणाऱ्या मुलांना हे नातं समजून घेणं किती लाजिरवाणं असेल. त्यांची मुलगी विलो तिच्या आजोबांची नातही असेल आणि सावत्र मुलगीही असेल. तर आजोबांचे जन्माला येणारी मुले विलोचे सावत्र भाऊ-बहिणही असतील आणि काका-आत्याही असेल.
डेकलन आता पत्नीपासून वेगळा झाला आणि तो म्हणाला की, त्याने आता या दोघांशिवाय जगणं शिकलं आहे. दुसरीकडे स्टेफनी म्हणाली की, तिने दगा दिला नाही. ती म्हणाली की, डेकलन जेव्हा तिला सोडून गेला तेव्हा ती तिच्या सासऱ्यांच्या जवळ आली.