आपल्यापेक्षा वयाने मोठ्या महिलेशी लग्न केल्यामुळे 25 वर्षीय तरुण सोशल मीडियावर चर्चेत आहे. त्याचे नाव कुरान मकॅन आहे. कुरानने स्वतःपेक्षा 37 वर्षांनी मोठ्या असलेल्या 62 वर्षांच्या महिलेशी लग्न केले आहे. दोघांचे पहिले अपत्यही लवकरच जन्माला येणार आहे. कुरान आणि त्याची पत्नी चॅरिल मकग्रेग हे दोघं इटलीच्या रोममध्ये राहतात. हे जोडपे टिकटॉकवर लोकप्रिय आहे. मात्र, आता लोक कुरानला खूप ट्रोल करत आहेत, त्यामुळे तो त्रस्त झाला आहे.
लोकांचे म्हणणे आहे की, नवीन लूकमुळे कुरान त्याच्या पत्नीपेक्षा वयाने मोठा दिसू लागला आहे. कुरान आणि चॅरिल एका व्हिडिओमध्ये डान्स करत आहेत, हजारो लोकांनी तो व्हिडीओ पाहिला आहे. मात्र यावर लोकांनी केलेल्या कमेंट्समुळे कुरान खूपच नाराज आहे. कुरानला त्याच्या नवीन हेअरस्टाईलमुळे लोक वृद्ध म्हणून चिडवत आहेत. एका यूजरने म्हटले, 'तुम्ही तुमच्या पत्नीपेक्षा वयाने मोठे दिसू लागलात, हे कसे शक्य आहे?'
दुसऱ्या युजरने लिहिले की, 'हा म्हातारा आता तिच्यासारखाच दिसू लागला आहे.' त्याच वेळी, तिसऱ्या युजरने 'OMG तो आणखी वृद्ध दिसू लागला आहे असं म्हटलं आहे. कुरान आणि चॅरिलचे पहिले अपत्य सरोगसीतून होणार आहे. चॅरिल आधीच चार मुलांची आई आणि 17 मुलांची आजी आहे. दोघांची पहिली भेट 2012 मध्ये झाली होती. केअरटेकर कुरान तेव्हा अवघा 15 वर्षांचा होता. तो एका फास्ट फूड रेस्टॉरंटमध्ये काम करायचा, जे चॅरिलचा मुलगा ख्रिस चालवतो.
नोव्हेंबर 2020 मध्ये, कुरानने पहिल्यांदा चॅलला एका स्टोअरमध्ये कॅशियर म्हणून काम करताना पाहिले, जेव्हा तो तिच्या प्रेमात पडला. कुरानने जुलै 2021 मध्ये चॅरिलला प्रपोज केले आणि दोघांनी त्याच वर्षी लग्न केलं. कुरानने चॅरिलला खूप महागडी अंगठी देऊन प्रपोज केलं. तो म्हणतो की चॅरिलला पत्नी म्हणून निवडण्यामागे अनेक कारणे आहेत. एका हिंदी वेबसाईटने याबाबतचे वृत्त दिले आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"