आनंद महिंद्रा (Anand Mahindra) ट्विटरवर अतिशय अॅक्टिव्ह असतात. अनेकदा ते आपले विचार ट्विटरच्या माध्यमातून मांडत असतात. त्यांनी असाच एक फोटो आपल्या अधिकृत ट्विटर अकाऊंटवरून शेअर केला आहे. तसंच त्यांनी टेस्लाचे सीईओ एलॉन मस्क यांना त्यात ट्वीट केलं आहे.
आनंद महिंद्रा यांनी एक बैलगाडीचं पेंटिंग ट्वीट केलं आहे. तसंच त्यांनी त्या फोटोसोबत मस्त यांना टॅग केलं आहे. ‘BACK to the Future…’ असं कॅप्शन दिलं आहे. “हे आहे ओरिजनल टेस्ला व्हेइकल, ना गुगल मॅपची गरज, ना इंधनाची, कोणतंही प्रदुषण नाही, पूर्णपणे आपहून चालणारी कार, बस घरी जाण्यासाठी आणि ऑफिसला येण्यासाठी सेटिंग सेट करा. आराम करा, झोप काढा आणि आपल्या डेस्टिनेशनवर पोहोचा,” असंही त्यांनी फोटोखाली लिहिलं आहे.