कोणत्याही कपलसाठी आई-वडील होणं सगळ्यात आनंदाची बाब असते. पती-पत्नी दोघेही आपल्या येणाऱ्या बाळासाठी उत्साहित असतात. बरेच लोक तर बाळाच्या जन्माआधीच शॉपिंग सुरू करतात. आधीच बाळाचं नावही ठरवतात. एका कपलने असंच केलं. पण पतीने जेव्हा बाळाच्या नावाबाबत आपलं मत पत्नीसमोर मांडलं तेव्हा पत्नीने नाव ऐकून घटस्फोटाचा विचार केला.
सोशल मीडिया प्लॅटफॉर्म रेडिटवर एक ग्रुप आहे r/relationship_advice, वर लोक आपल्या मनातील गोष्टी लिहितात आणि मग त्यावर बाकीचे यूजर्स त्यावर सल्ला देतात. असंच @throwaway01928351 नावाच्या एका यूजरने केलं. ही पोस्ट तशी 5 वर्ष जुनी आहे. पण तिला जी समस्या झाली ती आजच्या कपल्समध्येही बघायला मिळते. त्यामुळे याबाबत जाणून घेतलं पाहिजे.
5 वर्षाआधी महिलेने या पोस्टमध्ये लिहिलं होतं की, ती 23 वर्षाची आहे आणि तिचा पती 24 वर्षाचा. दोघांनी लग्नाआधी 1 वर्ष डेटिंग केली. आता लग्नाला दोन वर्ष झालीत. आता ती 7 महिन्यांची प्रेग्नेंट आहे. बाळ होण्याची वेळ जवळ आली तेव्हा आई-वडिलांनी बाळाच्या नावाचा विचार करणं सुरू केलं. दोघेही परदेशातील आहेत त्यामुळे बाळ काय होणार याची टेस्ट करणं सामान्य बाब आहे. त्यांना माहीत होतं की, त्यांना मुलगी होणार आहे. पतीने मुलीचं नाव ठरवलं. त्याने त्याच्या एक्स-गर्लफ्रेंडच्या नावावर तिचं नाव ठेवण्याचं ठरवलं. त्यांचं रिलेशनशिप फार जास्त काळ चाललं होतं.
महिलेने जेव्हा पतीला विचारलं की, त्याला एक्सच्या नावावर मुलीचं नाव का ठेवायचं आहे? तर तो म्हणाला की, त्याचे आणि गर्लफ्रेंड संबंध ठीक नव्हते त्यामुळे जेव्हा जेव्हा तो तिचं नाव ऐकतो तेव्हा त्याला तिची आठवण येते. मुलीचं तेच नाव ठेवून तो गर्लफ्रेंड नाव मुलीला देऊन तिला एक्सला विसरणार असा त्याचा विचार होता.
महिलेला हे लॉजिक फारच अजब वाटलं आणि या नावासाठी ती तयार झाली नाही. आता ती घटस्फोट घेण्याबाबत विचार करत आहे. तिने जेव्हा सोशल मीडियावर याबाबत पोस्ट केली तेव्हा लोकांनी त्यावर तिला अनेक सल्ले दिले. बरेच लोक म्हणाले की, तू बरोबर विचार करत आहे. लोक म्हणाले की, पतीला तिची पर्वा नाही.