प्रेमात जेव्हा विश्वासघात होतो तेव्हा अनेकांना दुख: अनावर होते, Jess Aldridge हीचं वय २४ वर्ष आहे तर तिचं २९ वर्षीय Ryan Shelton सोबत प्रेमसंबंध होते, या प्रेमसंबंधातून Jess नं दुसऱ्या मुलाला जन्म दिला. मात्र याच काळात रयान जेसच्या आईसोबत संबंधात आला आणि जेसला सोडून तो आईबरोबर फरार झाला.
मेट्रोमध्ये आलेल्या वृत्तानुसार, हे प्रकरण इंग्लंडमधील आहे, हॉस्पिटलमधून २८ जानेवारी जेस घरी आली, तिने रयानच्या मुलाला जन्म दिला होता, पण घरी येताच तिला समजलं की, रयान आणि जेसची ४४ वर्षीय आई Georgina तिथून ४८ किमी दूर असलेल्या एका नवीन घरात शिफ्ट झाले आहेत. जेस म्हणाली, हा विश्वासघात आहे, एका आजीला तिच्या नातवावर प्रेम करायला हवे ना त्याच्या वडिलांवर..
जेसने सांगितले की, तिची आई रयानसोबत फ्लर्ट करत होती, आईला माझ्यासोबत असायला हवं होतं, माझी मदत करायला हवी होती पण ती माझ्या बॉयफ्रेंडसोबत राहत आहे. जेसने याआधी अनेकदा दोघांची संवाद साधला परंतु दोघांनीही रिलेशनमध्ये असल्याचा नकार दिला. काही दिवसांपूर्वी जेसने एका मुलाला जन्म दिला. त्यानंतर रयानचा मेसेज आला आणि रिलेशन संपवण्याची गोष्ट त्याने सांगितली. जेव्हा जेस घरी परत आली तेव्हा घरात रयान आणि तिची आई नव्हती.
ते दोघंही नवीन घरात शिफ्ट झाले होते, तर दुसरीकडे जेसच्या आईचं म्हणणं आहे की, आपण कुणावर प्रेम करावं हे ठरवू शकत नाही, आम्ही एकमेकांवर प्रेम करतो, इतकचं नाही तर दोघांनीही फेसबुकवरून आपलं हे प्रेम जगजाहीर केले आहे. आता नवीन घरात ते दोघंही आनंदात राहत आहेत.