Fingers Bathroom Wall: घरात एकटे असताना अजब काही आवाज येणं हे काही लोकांसाठी भितीदायक ठरू शकतं. कल्पना करा की, जर तुम्ही नव्या घरात जाता आणि एका व्यक्तीचं बोट भिंतीमध्ये बघाल तर तुमचं काय होईल? इतकंच नाही तर जर तो बोट हलताना दिसेल तर कुणीही जोरजोरात ओरडणार. अशीच एक घटना समोर आली. ज्यानंतर पोलिसांना बोलवावं लागलं.
जॉनी नावाची एक व्यक्ती वेनेजुएलामधून अमेरिकेत शिफ्ट झाली. त्याला आधी तर त्याच्या फ्लॅटमध्ये अजब आवाज येत होते. टिकटॉकवर शेअर केलेल्या व्हिडिओत तुम्ही बघू शकता की, जॉनी आणि त्याची पार्टनर बाथरूमकडे जातात आणि गपचूप दरवाजा उघडतात. या कपलला आधी वाटलं की, शेजाऱ्यांनी काहीतरी खोडी केली असेल. पण जेव्हा ते बाथरूममध्ये गेले तेव्हा त्यांना एक स्पष्ट आवाज आला. ज्यानंतर त्यांनी मदत मागितली आणि बाहेर आले.
त्यांना बाथरूममध्ये रॅकच्या वर एक छिद्र दिसलं. त्यांनी जवळून पाहिलं तर त्यातून एक बोट बाहेर येताना दिसलं. हे इथंच संपलं नाही. बाहेर एक व्यक्ती त्यांना बाइकवर बसलेली दिसली. तर भिंतीच्या मागे असलेली व्यक्ती मदतीसाठी आवाज देत होती. UNILAD ने सांगितलं की, एका कॅप्शनमध्ये सांगण्यात आलं की, बाइकवर बसलेली व्यक्ती एका विग लावलेल्या महिलेसोबत अपार्टमेंटमधू बाहेर आली. तेव्हा जॉनी आणि त्याच्या पार्टनरने पोलिसांना बोलवण्याचा निर्णय घेतला.
जेव्हा पोलीस तिथे पोहोचले तेव्हा त्यांना जॉनीच्या शेजारच्या फ्लॅटमध्ये आठ लोक आढळून आले. रिपोर्ट्सनुसार, पोलिसांना आधी ही घटना अपहरणाची असल्याचा संशय व्यक्त केला होता. पण नंतर त्यातील एका व्यक्तीने सांगितलं की, एक कॉकटेल ड्रग्स घेतल्यानंतर ही खोटी कहाणी रचली गेली. ज्यामुळे लोक कन्फ्यूज झाले. हे सगळे लोक तिथे बेकायदेशीरपणे राहत होते.