हे जग अनेक आश्चर्यकारक आणि चक्रावून सोडणाऱ्या गोष्टींनी गजबजलेलं आहे. या जगात वेगवेगळ्या प्रकारचे लोक आपल्याला बघायला मिळतात. प्रत्येक व्यक्तीची एक खासियत असेल जी त्या व्यक्तीला इतरांपासून वेगळी ठरवते. अशीच एक खासियत रशियातील येकातेरीना या तरुणीमध्ये आहे. त्यामुळे ती नेहमीच चर्चेत असते. येकातेरीना ही जगातली सर्वात जास्त उंची असलेली मुलगी आहे.
29 वर्षींय अॅथलीट येकातेरीना लिसीना आपल्या लांब पायांमुळे जगभराच चर्चेचा विषय ठरत आहे. असे सांगितले जात आहे की, या तरुणीची उंची 6 फूट 9 इंच आहे. त्यामुळे सगळीकडे तिच्या उंचीची चर्चा होत आहे. येकातेरीनाने दावा केला आहे की, तिच्या पायांची लांबी 52.4 इंच इतकी आहे.
16 वर्षांची असतानाच येकातेरीनाकडे आपलं करिअर निवडण्यासाठी दोन पर्याय होता. एक म्हणेज बास्केटबॉल तर दुसरं म्हणजे मॉडलिंग. तिने करिअरची सुरुवात बास्केटबॉल खेळाडू म्हणून केली आणि 2008 मध्ये ऑलंम्पिकमध्ये रशिया महिला टीमचं नेतृत्व करत कांस्य पदक मिळवलं.
(Image Credit: siamagazin.com)
येकातेरीना आता खेळातून निवृत्त झाली आहे आणि आता ती मॉडेलिंगमध्ये नशीब आजमावत आहे. तिला जगातली सर्वात उंच मॉडलचा किताबही जिंकायचा आहे. येकातेरीना जेव्हा इतरांसोबत उभी राहते तव्हा इतर लोक तिच्या खांद्यापर्यंतही पोहोचू शकत नाही. त्यामुळे सगळीकडे तिची चर्चा रंगली आहे.