वयाच्या एका टप्प्यावर एक वेळ अशी येत असते जेव्हा सगळ्यांना वाटत असतं की, आता बस तुमचं लग्न व्हावं. प्रत्येकजण तुम्हाला हाच प्रश्न विचारत राहतात की, भावा, मग कधी उडवणार बार? Diogo Rabelo आणि Vitor Bueno दोघांनी गेल्यावर्षी नोव्हेंबरमध्ये साखरपुडा केला होता. गेल्या महिन्यात दोघे लग्न करणार होते. पण त्यांच्यात झालेल्या काही मतभेदांमुळे दोघांचं ब्रेकअप झालं. जुलैमध्ये त्याची होणारी बायको त्याला सोडून गेली. पण त्याने लग्न काही टाळलं नाही.
टाइम्स नाउने दिलेल्या वृत्तानुसार, Diogo ने लग्न करण्याचा निर्णय कायम ठेवला. त्याने स्वत:ससोबतच लग्न केलं. १६ ऑक्टोबरला त्याने Itacare, Bahia तील एका रिझॉर्टमध्ये लग्न केलं. त्याने केवळ लग्न केलं नाही तर लग्नात मित्र आणि नातेवाईकांनाही बोलवलं. फक्त मुलीकडचे लोक आले नव्हते.
या लग्नानिमित्ताने त्याने सांगितले की, हा त्याच्या आयुष्यातील सर्वात आनंदाचा दिवस आहे. तो म्हणाला की, 'मी अशा लोकांसोबत आहे ज्यांच्यावर माझं सर्वात जास्त प्रेम आहे. आपण सेलिब्रेट करत आहोत. दु:खद घटना काहीही असो पण मी ती कॉमेडीत बदलली'.
तो पुढे म्हणाला की, 'मला लोकांना हा संदेश द्यायचा होता की, माझ्या आनंदासाठी केवळ लग्न हा एकच मार्ग नाहीये. मी नक्कीच कुणासोबत तरी लग्न करणार, मला मुलंही होतील. पण माझा आनंद केवळ आणि केवळ त्याच गोष्टीवर अवलंबून नाही'. स्वत: आनंदी राहण्यासाठी स्वत:वर आनंदी राहणं गरजेचं.