ग्राहकांना आकर्षित करण्यासाठी जगभरातील हॉटेल्स, कॅफे आणि रेस्टॉरन्टमध्ये वेगवेगळ्या गोष्टी केल्या जातात. कुठे जेवणावर डिस्काउंट दिला जातो तर कुठे गिफ्ट दिले जातात. पण एका देशात ग्राहकांना आकर्षित करण्यासाठी काही रेस्टॉरन्टच्या मालकांनी सीमा पार केली आहे. येथील इस्पोर्स्ट्स कॅफेजमध्ये महिलांना फ्रेंच मेल असलेले कपडे घालायला देऊन वेट्रेसचं काम दिलं जातं. त्यांना ग्राहकांना खूश करण्यासाठी काही अश्लील गोष्टी करण्यासही सांगतात. त्यामुळे या रेस्टॉरन्टला खूप विरोध केला जात आहे.
धक्कादायक बाब म्हणजे येथील वेट्रेसना बोल्ड कपडे घालून गुडघ्यावर बसून काम करावं लागतं. हा प्रकार चीनच्या पूर्व प्रांतातील झेजियांग के यिवु शहरात होत आहे. मीडिया रिपोर्ट्सनुसार, कॅफे आपला बिझनेस वाढवण्यासाठी अश्लील गोष्टींचा आधार घेत आहे.
या कॅफेमध्ये जेव्हा ग्राहक येतात तेव्हा त्यांचा स्वागत छोटे कपडे घातलेल्या महिला करतात. या महिला ग्राहक कॅफेमध्ये येताच गुडघ्यावर बसून 'वेलकम होम, मास्टर' असं म्हणतात. गुडघ्यावर बसून त्यांना चहा देतात. त्यासोबत ग्राहकांच्या पाठीची मसाजही करून देतात आणि त्यांच्यासोबत गेम्स खेळतात. 15 एप्रिलला चीनी प्रशासनाने यावर विरोध दर्शवला आणि कॅफे चालवण्याच्या पद्धतीत बदल करण्यास सांगितलं. त्यांनी कॅफे मालकांवरही टिका केली आहे.
साऊथ चायना मॉर्निंग पोस्टच्या रिपोर्टनुसार, चीनमधील एका स्थानिक मीडियाने सोशल मीडिया वीबोवर लिहिलं की, 'गुडघे टेकवण्याचं कोणतही काम महिलांच्या सन्मानासाठी फार अपमानजनक असू शकतं आणि यामुळे लैंगिक शोषणाला प्रोत्साहन मिळतं'. असे अनेक गुन्हे घडले आहेत. 2022 मध्ये वु नावाच्या एका व्यक्तीने स्वीट मेड कॅफेमध्ये याओयाओ नावाच्या मेड वेट्रेसला त्याच्यासोबत गेम खेळण्यास सांगितलं. त्यानंतर त्याने तिचं लैंगिक शोषण केलं. आरोपीला साडे चार वर्षाची शिक्षा झाली.