Crorepati Chaatwala: भारतात स्ट्रीट फूडचं नाव घेताच समोसे, कमोरी, भेळ, दही-वडे, दही भल्ले हे पदार्थ डोळ्यांसमोर येतात. या पदार्थांची टेस्ट अशी असते की, लोक खाल्ल्याशिवाय राहत नाही. बरेच लोक तर रोज यातील काहीना काही खातात. महत्वाची बाब म्हणजे यांची किंमतही खिशाला परवडेल इतकीच असते. पण तुम्हाला माहीत नसेल की, रस्त्याच्या कडेला स्टॉल लावून स्ट्रीट फूड विकून एक व्यक्ती कोट्याधीश झाली. दिल्लीच्या नेहरू प्लेसमध्ये एक छोटासा स्टॉल आहे जो मुकेश शर्मा चालवतात. आता त्यांना सगळेजण 'करोडपती चाटवाला' नावानं ओळखतात.
मुकेश शर्मा यानी १९८९ मध्ये आपल्या या स्टॉलची सुरूवात केली होती. त्यांच्याकडे काही मोठं दुकान नव्हतं, तेव्हा केवळ एक टेबल होता. एक कार आणि लोकांना टेस्टी खाऊ घालण्याचं स्वप्न होतं. त्यांच्या परिवाराच्या जुन्या रेसिपीनं दही भल्ले बनवणं सुरू केलं. त्यावेळी एका प्लेटची किंमत २ रूपये होती. आज एक प्लेट ४० रूपयाला मिळते. त्यांचा हा स्टॉल दिल्लीतील सगळ्यात प्रसिद्ध फूड स्टॉल्समध्ये गणला जातो.
शर्माजी दही घरीच फेटतात, कारण त्याची टेस्ट क्रीमी आणि ताजी रहावी. तसेच त्यांनी स्वत: बनवलेला मसाला पदार्थाला वेगळं बनवतो. त्यांची मेहनत आणि टेस्टमुळे ते आज दिल्ली फेमस आहेत. त्यांनी कधीच एक दुकान विकत घेऊन पदार्थांची विक्री केली नाही. ते रोज त्यांची BMW कार घेऊन येतात. रस्त्याच्या कडेला स्टॉल लावतात आणि शेकडो लोकांना टेस्टी पदार्थ खायला देतात. त्यांच्या स्टॉलवर नेहमीच गर्दी असते.
सोशल मीडियावरही फेमस
शर्माजी यांचा साधेपणा, स्वच्छता आणि टेस्ट या गोष्टींमुळे ते सोशल मीडियावर फेमस झालेत. अनेक यूट्यूब चॅनल्स आणि इन्स्टाग्राम पेजेसवर त्यांचे व्हिडीओ व्हायरल झाले आहेत. लोकांना त्यांच्या कहाणीतून प्रेरणा मिळते. आता शर्माजींच्या स्टॉलवर केवळ दही भल्लेच नाही तर पाणीपुरी, समोसे आणि इतरही पदार्थ मिळतात.