प्रेमासाठी काही जण वाटेल ते करतात. त्याचे अजब किस्से देखील सतत ऐकायला मिळतात. गर्लफ्रेंड-बॉयफ्रेंडमध्ये तर छोट्या छोट्या कारणांवरून नेहमीच भांडणं होतच असतात. काही वेळा हे वाद इतके विकोपाला जातात की थेट ब्रेकअप केलं जातं. अशीच एक घटना आता समोर आली आहे. जी समजल्यावर तुम्ही पण हैराण व्हाल. एका महिला डेटिंग एपवरून निवडलेल्या आपल्या एका पार्टनरसोबत फिल्म पाहण्यासाठी गेली होती. पण पुढे जे काही झालं ते ऐकून तुम्हालाही हमखास आश्चर्याचा धक्का बसेल.
एका स्नॅक्सवरून फिल्म पाहण्यासाठी गेलेल्या कपलचं ब्रेकअप झालं आहे. गर्लफ्रेंडने फिल्म सुरू होण्याआधीच स्नॅक्स संपवले म्हणून बॉयफ्रेंड इतका संतप्त झाला की त्याने थेट ब्रेकअपसारखं टोकाचं पाऊल उचललं आहे. महिलेने आपल्या रिलेशनशिपमधील विचित्र अनुभव शेअर केला आहे. महिलेने शेअर केलेल्या अनुभवात फिल्ममध्ये पाहण्यासाठी ती पार्टनरसोबत गेली होती. तिच्या बॉयफ्रेंडने पॉपकॉर्न घेतले तर तिने आपल्यासाठी चॉकलेट्सचं मोठं पाकीट घेतलं.
थिएटरमध्ये सीट्सवर बसताच तिने चॉकलेट खायला सुरुवात केली. फिल्म सुरू होण्याआधीच तिने खायला सुरुवात केली म्हणून तिचा बॉयफ्रेंड तिला आधी ओरडला पण तरी ती ऐकली नाही. त्यामुळे जेव्हा फिल्म सुरू झाली तेव्हा 10 मिनिटांच्या आतच तिचं चॉकलेटचं पाकीट संपलं. तेव्हा तिचा बॉयफ्रेंड तिच्याकडे विचित्र नजरेने पाहू लागला. तो फक्त फिल्म कधी संपेल याची प्रतीक्षा करू लागला. धक्कादायक म्हणजे फिल्म संपताच त्याने आपलं नातंही संपवलं.
महिलेने आपला हा अनुभव शेअर करत लोकांकडे सल्ला मागितला आहे. महिलेचा अनुभव ऐकल्यानंतर बहुतेक युजर्सनी महिलेला जे झालं ते चांगलंच झालं, असं म्हटलं आहे. फिल्म सुरू होण्याआधी स्नॅक्स खाल्ले म्हणून ब्रेकअप केलं असेल तर याचा अर्थ तो आधीपासूनच तुला सोडण्याच्या तयारीत होता, याबाबत तू आनंद व्यक्त करायला हवा, असं एकाने म्हटलं आहे. एका हिंदी वेबसाईटने याबाबतचे वृत्त दिले आहे.