अनेकदा जेव्हा नात्यातील प्रेम आणि विश्वास संपतो, तेव्हा लोक आपल्या जोडीदाराला धोका द्यायला लागतात. अशा स्थितीत नातं लवकर संपुष्टात येतं. पण जेव्हा एका जोडीदाराने केलेली फसवणूक (Cheating in Love) दुसऱ्याला कळते तेव्हा त्याच्या पायाखालची जमीन सरकते. अलीकडेच, एका महिलेसोबत असंच घडलं. यात तिला अतिशय अजब पद्धतीने हे समजलं की तिचा प्रियकर तिची फसवणूक करत आहे (Affair of Boyfriend Exposed by Fake Eyelashes).
मिरर वेबसाइटच्या रिपोर्टनुसार, टिकटॉकर @mrs__divinity ने अलीकडेच सोशल मीडियावर एक व्हिडिओ पोस्ट केला आहे, जो खूप व्हायरल होत आहे. या व्हिडिओमध्ये महिलेनं सांगितलं की, तिला कसं कळलं की तिचा प्रियकर तिची फसवणूक करत आहे. महिलेनं आपल्या हातामध्ये मुलींकडून वापरल्या जाणाऱ्या बनावट पापण्या घेतलेल्या आहेत.
व्हिडिओमध्ये ती महिला म्हणते, की तिचा प्रियकर नक्कीच तिची फसवणूक करत आहे कारण ती कपडे धुत असताना तिला त्याच्या कपड्यांमध्ये मुलींच्या नकली पापण्या आढळल्या. या पापण्या तिच्या नसल्याचंही तिने स्पष्ट केलं. या महिलेनं हा व्हिडिओ सोशल मीडियावर शेअर केल्यापासून लोक तिला समजावून सांगत आहेत की या पापण्या दुसऱ्या महिलेच्या असण्याचीच शक्यता जास्त आहे. तिने कदाचित मुद्दाम त्याच्या कपड्यांमध्ये या पापण्या ठेवल्या असतील, जेणेकरून तुला त्याच्यावर संशय यावा आणि तू त्याला सोडून द्यावं.
एका युजरनं म्हटलं की त्या मुलीने तिच्या पापण्या फक्त तुला त्या दिसाव्या यासाठीच ठेवल्या असतील. तर दुसऱ्या एकाने लिहिलं, की या पापण्या त्याच्या कपड्यांवर सोडण्यामागचं कारण म्हणजे तिला एक संकेत तुला द्यायचा होता. या महिलेने पुढे काय पाऊल उचललं हे माहित नाही, परंतु ही एकमेव घटना नाही जेव्हा महिलांना त्यांच्या प्रियकराच्या अफेअरबद्दल अशा पद्धतीने समजलं आहे.