Woman Left Husband for Lover: प्रेम हे कधी कुणावर होईल काहीच सांगता येत नाही. मन-विचार जुळले की, लोक एकमेकांच्या प्रेमात पडतात. कधी कधी लोक प्रेमाच्या नादात अशी अशी कामे करतात ज्याची कल्पना करणंही अवघड असतं. एका महिलेने तिच्यापेक्षा 18 वर्षाने लहान प्रियकरासाठी स्वत:चा 24 वर्षाचा संसार मोडला.
मिररच्या रिपोर्टनुसार, ही घटना इंग्लंडच्या इसेक्समधील आहे. इथे राहणारी 53 वर्षीय एन जॉनसन नावाच्या महिलेला लग्नाच्या 24 वर्षानंतर आयुष्यात प्रेमाची कमतरता जाणवली. त्यानंतर ती आपला पती आणि मोठमोठ्या मुलांना सोडून 35 वर्षीय एका तरूणासोबत पळून गेली.
महिला म्हणाली की, ती तिच्या पतीसोबत एकाच घरात राहत होती. पण त्यांचं नातं हे पती-पत्नीच्या नात्यापेक्षा फ्लॅटमेंट्ससारखं झालं होतं. त्यांच्या काही प्रेमच उरलं नव्हतं. अशात तिची भेट 35 वर्षीय पॉल जॉन याच्यासोबत ऑनलाइन झाली. ती त्याला पसंत करू लागली. आधी त्यांना 18 वर्षाच्या अंतराबाबत संकोच होता. पण जेव्हा दोघांच्या व्यक्तीमत्वात त्यांना साम्य दिसून आलं तेव्हा हा संकोच दूर झाला. काही भेटींनंतर एनने पतीला एक चिठ्ठी लिहिली आणि घर सोडून निघून गेली.
ती म्हणाली की, ती फार आनंदी होती, पण आपल्या पतीला सगळंकाही समोरा समोर सांगू शकत नव्हती. अशात तिने काहीच कारण न सांगता चिठ्ठी लिहून घर सोडलं. जेव्हा तिचा पती आणि मुलांना याबाबत समजलं तर सगळ्यांना धक्का बसला. तेच पॉलची आई सुद्धा आधी त्यांचं हे नातं स्वीकार करू शकली नाही. कारण एनपेक्षा ती केवळ 9 वर्षाने मोठी होती. पण नंतर ती सुद्धा तयार झाली. घटस्फोटानंतर एन आणि पॉल यांनी लग्न केलं. पण एनच्या परिवाराला अजूनही यावर विश्वास बसत नाहीये.