प्रेमाचे अनेक भन्नाट किस्से हे सतत समोर येत असतात. काही लोक प्रेमासाठी वाटेल ते करतात. प्रेमाला वयाचं बंधन नसतं असं म्हणतात. अशीच एक अजब घटना आता समोर आली आहे. 25 वर्षीय नवरी आणि 70 वर्षीय नवऱ्याने लग्न केल आहे. पण जगाची पर्वा न करता, लोक काय म्हणतील याचा विचार न करता हे दोघंही अत्यंत आनंदाने आयुष्य जगत आहेत. वयामध्ये खूप मोठं अंतर असलं तरी त्याचा नात्यावर अजिबात परिणाम होत नसल्याचं देखील या कपलने म्हटलं आहे. कॅनडामध्ये ही अजब घटना घडली आहे.
एका शोमध्ये पती-पत्नीने आपल्या नात्याविषयी माहिती दिली आहे. स्टेफनी आणि डॉन अशी या दोघांची नावं आहेत. स्टेफनीचं वय 25 आहे तर डॉन यांचं वय 70 वर्ष आहे. त्यांच्या वयात तब्बल 45 वर्षांचं अंतर आहे. पण हे वय आपल्या नात्याच्या आड कधीही येत नाही, असं त्यांचं म्हणणं आहे. लोकांना काय वाटतं, याची पर्वा करत नसल्याचंही त्यांनी सांगितलंय. एका शोमध्ये त्यांनी स्वतःबद्दलची ही माहिती दिली आहे. पत्नी स्टेफनी हिने Love Don’t Judge या शोमध्ये सांगितलं, की पाच वर्षांपूर्वी ती डॉन यांना एका पबमध्ये भेटली.
पबमध्ये ती काम करत होती. डॉन जेव्हा या पबमध्ये यायचे, तेव्हा तिला खूप आनंद व्हायचा. त्यानंतर त्यांच्यातली जवळीक वाढली. मग त्यांनी लग्नाचा निर्णय घेतला. मात्र लग्नाबाबत आपल्या घरचे खूश नसल्याचं स्टेफनीनं सांगितलं. जेव्हा आई-वडील आणि भावाला त्यांच्या नात्याबद्दल कळालं, तेव्हा त्यांना स्टेफनीची काळजी वाटली. वयातल्या अंतरामुळे हे नातं फार काळ टिकू शकणार नाही, अशी भीती घरच्यांना होती. मात्र स्टेफनी आणि डॉन यांनी कोणाच्याही बोलण्याकडे दुर्लक्ष करत लग्न केलं.
कपलला दोन वर्षांचा मुलगाही आहे. त्याचं नाव लाचलान असं आहे. डॉन सांगतात, की अनेकदा लोकांना ते लाचलानचे आजोबा आहेत असं वाटतं पण अशा लोकांच्या बोलण्याकडे आपण लक्ष देत नसल्याचं त्यांनी म्हटलं आहे. तसेच लोकांना खरं काय ते सांगण्याचा देखील प्रयत्न करत नाही. डॉन यांच्या जीवनविम्याच्या पैशांसाठी आपण त्यांच्यासोबत राहत असल्याचं अनेकांना वाटतं, असं स्टेफनीचं म्हणणं आहे; मात्र हे दोघंही जगाची पर्वा न करता आनंदाने जगत आहेत. एका हिंदी वेबसाईटने याबाबतचे वृत्त दिले आहे.