हातपाय धुताना तरुण पाण्यात बुडाला, १६ तासापासून शोधकार्य सुरु

मेहरुण तलावातील घटना

ठळक मुद्दे साईनाथ हा मजुरीचे काम करायचे. बुधवारी साईनाथ व त्याचा भाऊ सुकलाल यांना पिंप्राळा रेल्वे गेटजवळ साफसफाईचे काम मिळाले होते. भाऊ सुकलाल, वडील शिवाजी रामा गोपाळ व इतर नातेवाईकांनी तलावात त्याचा शोध घेतला, मात्र उपयोग झाला नाही.

जळगाव : मामाच्या मुलासोबत मेहरुण तलावाकडे फिरायला गेलेला साईनाथ शिवाजी गोपाळ (शिंदे) (२२, रा.समता नगर, जळगाव) हा तरुण हातपाय धुतांना पाय घसरुन तलावात पडला व त्यातच तो बुडाल्याची घटना बुधवारी दुपारी चार वाजता घडली. दरम्यान, गुरुवारी दुपारी तीन वाजेपर्यंतही त्याचा शोध लागलेला नव्हता. साईनाथ हा मजुरीचे काम करायचे. बुधवारी साईनाथ व त्याचा भाऊ सुकलाल यांना पिंप्राळा रेल्वे गेटजवळ साफसफाईचे काम मिळाले होते.

दुपारपर्यंत तेथे काम केल्यानंतर मामाचा मुलगा ज्ञानेश्वर अर्जुन गोपाळ व आणखी एक असे दोघं तेथे आले व दुचाकीवर बसवून घेऊन गेले. तिघं जण मेहरुण तलावाकडे फिरायला आले. सेंट टेरेसा शाळेच्या पाठीमागील बाजुस तिघं जण तलावात हातपाय धुवायला उतरले असता साईनाथ हा याचा पाय निसटला व तलावातील खोल खड्डे असलेल्या ठिकाणी पाण्यात बुडाला. हा प्रकार पाहिल्यानंतर मामाच्या मुलांनी त्यांच्या आईला सांगितला. आईने तातडीने साईनाथच्या आई, वडीलांना सांगून सर्वच नातेवाईकांनी साडे सहा वाजता तलावावर धाव घेतली. भाऊ सुकलाल, वडील शिवाजी रामा गोपाळ व इतर नातेवाईकांनी तलावात त्याचा शोध घेतला, मात्र उपयोग झाला नाही.

 

अन्य महत्वाच्या बातम्या...

 

Sushant Singh Rajput Suicide : ईडीच्या हाती लागला पुरावा, आता होऊ शकते संदीप सिंगची चौकशी 

 

Sushant Singh Rajput Suicide : संजय राऊत, मुंबई पोलीस आयुक्तांविरोधात तक्रार, पाटणा पोलिसांकडे अटकेची मागणी 

 

सुशांतच्या कुटुंबीयांना शांत बसावं आणि मुंबई पोलिसांना सहकार्य करावं: संजय राऊत