आॅनलाइन लोकमतजळगाव, दि. २८ - चारचाकी वाहनाचा हॉर्न वाजल्याने बैलगाडीचे बैल बिथरले व बाजूने जाणारी दुचाकी बैलगाडीवर धडकल्याने झालेल्या अपघातात विनोद शालीक भील (४५) व शांताराम पावरा, दोघे रा. खेडी खुर्द, ता. जळगाव हे जखमी झाले. हा अपघात शनिवारी सकाळी साडे दहा वाजता शहरातील प्रजापतनगरात घडला.विनोद भील व शांताराम पावरा हे खेडी खुर्द येथून जळगाव शहराकडे दुचाकीने येत होते. ते प्रजापतनगरात पोहचले असता त्या वेळी एका मोठ्या वाहनाचा हॉर्न वाजला व बाजूने जाणाऱ्या बैलगाडीचे बैल बिथरले. यावेळी भील यांची दुचाकी या बैलगाडीवर धडकली. त्यात हे दोघेही जण जखमी झाले. त्यांना जिल्हा रुग्णालयात हलविण्यात आले.
जळगावात वाहनाच्या हॉर्नमुळे बैल बिथरले, दुचाकीवरील दोघे जखमी
By लोकमत न्यूज नेटवर्क | Updated: April 28, 2018 12:41 IST