विद्यार्थ्यांनी जाणून घेतली निरिक्षण गृहाची माहिती

जळगाव- कवयित्री बहिणाबाई चौधरी उत्तर महाराष्ट्र विद्यापीठाच्या शिक्षणाशास्त्र विभागाच्या प्रथम व द्वितीय वर्ष एम.एड. विद्यार्थ्यांनी प्रात्यक्षिक कार्यासाठी जळगाव येथील मुलांचे व मुलींचे निरीक्षण गृह व बालगृहास भेट दिली.यावेळी निरीक्षण गृह व बालगृहाच्या अधिक्षक जयश्री पाटील यांनी निरीक्षण गृह व बालगृहातील सोयी-सुविधा, सांस्कृतिक कार्यक्रम, प्रशासन व व्यवस्थापन, अध्ययन-अध्यापन, समुदेशन याबाबत विद्यार्थ्यांना माहिती दिली. विद्यार्थ्यांनी तेथील मुलां व मुलांशी संवाद साधून माहिती घेतली. निरीक्षण गृह व बालगृहातील मुलां व मुलींसाठी वह्या व पेन भेट म्हणून दिल्या. विद्यार्थ्यांसोबत प्रा.धमेंद्र जाधव व प्रा.जयश्री शिंगाडे उपस्थित होते. प्रात्यक्षिक भेट यशस्वी करण्यासाठी विभागप्रमुख डॉ. मनिषा इंदणी व डॉ.संतोष खिराडे यांनी मार्गदर्शन केले.